Indariso IP

Da Wikipedia, l'ençiclopedia libara.
Va a: navigasion, serca
'Sto artìcoło el 'é scrito doparando ła grafìa dita DECA

Un indariso IP (da ła łengua ingreze Internet Protocol address) - in informàtega e inte łe tełecomunegasion - el ze na eticheta numèrega che ła identìfega in modo unìvogo un dispozidivo ciamà host cołegà a na rete informàtega che ła dòpara el Internet Protocol cofà protocoło de rete.

El vien asenjà a na intarfasa (par ezenpio na scheda de rete) che ła identìfega el host de rete, che'l pol èsar un personal computer, un palmare, un smartphone, un router, o anca un ełetrodomèstego. Infati, A bezonja tenjer in considerasion che un host el pol contenjer pì de na intarfasa: par ezenpio, un router el ga deverse intarfase (mìnemo do), par onji una de łe cuałe A serve un indariso.

Conpozision e formati[canbia | canbia el còdexe]

Onji indariso IP el ze dividesto in do parti:

  • Ła prima ła identìfega ła rete, ciamà network o routing prefix (Net_ID) e ła ze doparà par l'instradamento a łiveło de sotoreti.
  • Ła seconda ła identìfega, rento de ła rete, el host (o l'intarfasa in IPv6) e łe eventuałe sotorete (Host_ID) e el ze doparà par l'instradamento a łiveło łocałe de'l host na olta rajunjesta ła sotorete łocałe de destinasion e, drioman, ła tradusion o resołusion in indariso MAC par ła consenja efetiva de'l pacheto dati a'l destinatario co i protocołi de ła rete łocałe.

Tipołozìe[canbia | canbia el còdexe]

Indarisi dinàmeghi[canbia | canbia el còdexe]

I indarisi dinàmeghi i ze doparài par identifegar i dispozidivi che no i ze mìa parmanenti inte na LAN. Un server prezente inte ła LAN l'asenja dinamegamente e automategamente l'indariso sernéndoło cazualmente da na serie preinpostà. A se pol sernir l'intarvało de indarisi a seconda de'l nùmaro de łe utense de ła rete inpostando ła netmask, a dir dizéndoghe a'l server DHCP cuanti bit de l'indariso che i ze asenjàbiłi dinamegamente a onji sìngoło client che'l fasa l'aceso. Par ezenpio, se ła netmask ła ga vałor 255.255.255.0 (dove che onji bloco separà da ponti el denota un grupo de 8 bit) sol che i ùltemi 8 bit i ze asenjàbiłi a i host.

I fornidori de conesion internet (Internet Service Provider, ISP), par ezenpio, i dòpara un nùmaro variàbiłe de indarisi asenjàbiłi par na clienteła granda asè confidando so l'idea che mìa tuti i client i sarà conesi inte'l steso momento. 'Sto sistema cuà el vien doparà sora de tuto par i acesi dial-up, Wi-fi o in calsìasi altro aceso tenporaneo parmeténdoghe cusì, par ezenpio a un computer portàtiłe, de conétarse a na anpia varietà de servisi sensa el bezonjo de dover conósar i detaji de indarisamento de onji rete.

Indarisi stàteghi[canbia | canbia el còdexe]

I indarisi stàteghi i vien doparài par identifegar i dispozidivi semi-parmanenti co indariso IP parmanente. Server, stanpadora de rete, evc, i dòpara tipegamente 'sto mètodo de indarisamento. Tipegamente A se pol servirse anca de na asenjasion stàtega invese de una dinàmega par dispozidivi de rete mìa parmanenti se el nùmaro de host de ła sotorete el ze contenjùo e/o par motivi de seguresa, podendo tenjer soto controło łe asion de onji host e de l'utente che'l ło dòpara. So'l fronte de ła seguresa informàtega l'asenjasion de un IP stàtego, parò, ła rende el dispozidivo pì sojeto a atachi informàteghi.

L'indariso stàtego el pol èsar configurà diretamente so'l dispozidivo, opur cofà parte de na configurasion DHCP che ła łiga a l'indariso MAC el corespondente indariso IP stàtego.