Halloween
_-_Flickr_-_Carol_(vanhookc).jpg)
Halloween (o anca Hallowe'en[1]) la ze 'na festa che se sełebra anualmente la sera e la note del 31 de otobre (vizilia de Ognisanti), difuza inisialmente inte i Paezi de lengua ingleze, ma che la ga ciapà pie en tuto el mondo, e che la deriva da la festa pagana sèltega de Samhain.[1][2][3][4][5][6] La ze caraterizà da decorasion e festejamenti en màscara de sojeto màcabro.[1][4][5][7]
Etimołozia[canbia | canbia el còdaxe]
El termine Halloween el ze na breviasion de All-Hallows Eve, che in ingleze vołe dire "vizilia de Ognisanti".[1][2][3][4]
Istòrego[canbia | canbia el còdaxe]
La antiga festa de Samhain, da dove che deriva Halloween, la zera la pì inportante festa del całendario sèltego: la segnava la fine de l'istà e la se tigneva el primo de novenbre.[8]
Inte i ani cuarante del XIX sècoło i festejamenti i ze stà inportà da imigrati irlandezi inte i Stati Unìi de l'Amèrica.[6]
Tradision[canbia | canbia el còdaxe]
Suca de Halloween[canbia | canbia el còdaxe]
Una de łe prinsipałi tradision de ła ricorensa la ze cueła de intajare e decorare de łe suche, meténdoghe drento un lumin.[5][9][10]
Sta tradision de la suca, ciamada en ingleze "Jack o'Lantern", la vien fazesta derivare da na lejenda del XVIII sècoło che gaveva par protagonista un tal ciamà Stingy Jack, che el gaveva inbrojà pì volte el diàvoło. [5][9][10] Dopo la so morte, Stingy Jack el vien rifiutà sia da Dio che dal diàvoło el se vede costrinzesto a vagare en un posto scuro: par farse ciaro, el se crea cusita un lumin fazesto co na barbabiètoła.[5][10]
Dolseto o scherseto[canbia | canbia el còdaxe]
N'altra tradision la ze cueła del "dolseto o scherseto" (in ingleze trick or treat(ing)), che la vede dei tozeti girare par le caze domandando dolseti. Sta tradision la deriva probabilmente da le richieste dei mendicanti 'nte sto periodo de l'ano.[5][11]
Inte i Stati Unìi sta tradision la ze divegnesta popołari al scumisiar dei ani sincuanta del XX sècoło.[11]
Note[canbia | canbia el còdaxe]
- ↑ 1,0 1,1 1,2 1,3 Halloween-Origin-Spelling so Meriam Webster
- ↑ 2,0 2,1 Halloween so Britannica.com
- ↑ 3,0 3,1 History of Halloween so History.com
- ↑ 4,0 4,1 4,2 Why Do We Celebrate Halloween on October 31? so Countryliving
- ↑ 5,0 5,1 5,2 5,3 5,4 5,5 Il significato della festa di Halloween è cambiato molto nei secoli: vediamo come so My English School
- ↑ 6,0 6,1 Halloween so Reuters.com
- ↑ Halloween Costumes That Disguised, Spooked and Thrilled Through the Ages so History.com
- ↑ Samhain so Britannica.com
- ↑ 9,0 9,1 How Jack O’Lanterns Originated in Irish Myth so History.com
- ↑ 10,0 10,1 10,2 The twisted transatlantic tale of American jack-o’-lanterns so National Geographic
- ↑ 11,0 11,1 How Trick-or-Treating Became a Halloween Tradition so History.com
Altri projeti[canbia | canbia el còdaxe]
Wikimedia Commons el detien imàjini o altri file so Halloween
Linganbi foresti[canbia | canbia el còdaxe]
- HalloweenTreccani.it – Enciclopedie on line, Istituto de ła Ençiclopedia Italiana.
- (EN) HalloweenEnçiclopedia Britannica, Encyclopædia Britannica, Inc.
| Controło de autorità | LCCN (EN) sh85058475 · GND (DE) 4158852-6 · BNF (FR) cb12530315s (data) |
|---|