Guera ugandeze tanzaniana

La Guera Ugandexe Tanzaniana, che i ugandexi i le ciama Guera de Liberaxion, la xe stà na guera combatua tra i do paexi africani in tel 1978-79. Co la guera, el regime ditatoriale de Idi Amin Dada el xe cascà.

Avegnimenti pre-belici

I raporti tra Uganda e Tanzania i no xe mai stà boni. Co l’arivo al poder de Idi Amin i xe diventà anca pi texi. Amin el ga fato on colpo de Stato par parar via Milton Obote in tel 1971. Obote e i so scagnosi i xe scanpà in Tanzania. Co, in tel 1972, i sostenitori de Obote i ga provà a far cascar Amin, sto quà el ga accusà el presidente tanzaniano Julius Nyerere de esar drio al pian par rebaltar el governo ugandexe. En tel otobre 1978, i soldadi del batalion Simba (i leoni), agro de i sopprusi e de la poca vixione del governo, el ga atacà el palazo presidenziale de Kampala. Amin el xe scanpà via co la so fameja. Quasi tuti i soldadi del sud i ga tacà a protestar e far sachegi. La protesta la ga catà sostegno anca in Tanzania, do ghe vivea tanti rifugiati ugandexi. I soldaidi de Amin i ga atacà i ribeli e i li ga seguì oltre el confin, invadendo la Tanzania. Par cuerzar stò erore, Amin el ga acusà Nyerere de verghe invaso l’Uganda.

Guera

El presidente tanzaniano el gà ciamà a le armi tuti quei che I podea conbatar par el paexe. A l’esercito e le riserve se ga zonà anca i ugandexi che vivea in Tanzania. En particolare i grupi guidà da i opositori ugandexi Tito Okello, Yoweri Museveni e Aken p’Ojok. Sti qi i ga formà la Armada Ugandexe Naxional de Liberaxion. I tanzaniani i volea entrar in Uganda e darghe na lexion a Amin, ma i no volea conquistar el paexe. I gavea, invese, paura de l’esercito ugandexe, chel xera considerà ono de i mejo preparà de l’Africa. El xe par questo che i tanzaniani i ga meso le prime sità a fero e fogo. I ga distruto Kasala e le infrastruture che i ga catà par strada pensado de ritirarse dopo poco. I soldadi ugandexi i xe scapà via, robando tuto quel che i podea. A far bataja i xe restai i soldadi libii mandadi da Ghedafi. Dopo na rpima vitoria libica, la note del 11-12 marso 1979, i tanzaziani i ga atacà e sfondà le resistenze. El 10 de aprile i ga ciapà Kampala e l’aeroporto de Entebbe. I soldadi libici i xe tronà a casa sua. L’esercto ugandexe el se ga frantumà in tante milisie che le ga tacà a far na guera sivile, ognuno par conto suo. I tanzaniani i ga scominsià la conquista verso el nord, ma co calma, par evitar morti de lori. Ci ga rimeso i xe stà i ugandexi che i ga visù el peso momento de la so vita naxional. Le Cexe, sora-de-tuto la Cexa Catolega, le ga tentà de mediar la paxe e de far funsionar el paese. Tanti misionari i xe stà copà par il loro laoro a favor de la gente.

Politega

I tanzaniani i ga meso su Yusuf Lele come presidente. I altri i no xera d’acordo e dopo pochi mexi i ga meso Godfrey Binaisa al so posto. El 12 magio 1980, la comision militare (formada da Yoweri Museveni, Paulo Muwanga e Tito Okello) i ga inposto na comision presidenxiale. En tel dicenbre 1980, le elexioni le xe stà vinte da Milton Obote. Museveni el ga acusà Obote de brogli e el ga tacà la ‘’guera de la foresta’’, che lo portarà al poder dopo qualche ano.

Portałi