Salta al contegnùo

Grundig

Da Wikipedia, l'ençiclopedia libara.
Eror Lua: callParserFunction: function " [[Categoria" was not found.
Infotaula d'organitzacióGrundig

Cànbia el vałor in Wikidata
Dati
SorteEror Lua: callParserFunction: function " [[Categoria" was not found.
Forma zurìdegaAktiengesellschaft (it) Traduzi Cànbia el vałor in Wikidata
Istoria
Creasion1930 Cànbia el vałor in WikidataNürnberg Cànbia el vałor in Wikidata
FondadorMax Grundig (it) Traduzi Cànbia el vałor in Wikidata
Atività
ProdotoEłetrodomèstego Cànbia el vałor in Wikidata
Governo d'impresa
Ente controłanteArçelik e Beko (it) Traduzi Cànbia el vałor in Wikidata
PropietàrioEror Lua: callParserFunction: function " [[Categoria" was not found.
Formà da
Eror Lua: callParserFunction: function "

[[Categoria" was not found.


Sito webgrundig.com Cànbia el vałor in Wikidata










Facebook place: grundig.tr

Instagram: grundig_deutschland

Telegram: grundig_russia



Youtube: UC1OAtQkLqp6eKdxX5zds_Xg


































Ła Grundig AG ła ze na azienda todesca de ełetrònega de consumo, controłada da ła holding turca Koç Holding.

Istòria[canbia | canbia el còdaxe]

Vecio łogo Grundig co strafòjo

Fondada inte'l 1945 a Norinberga da Max Grundig, ła sosietà ła ze stà senpre inte el gotha de'l panorama ełetrònego mondiałe. El ze stà el pì inportante produtor eoropeo de radio e tełevizori, insenbre a Philips. Inte i ani 2000 ła ga perdesto numaroze cuote de marcà, a cauza de ła concorenza aziatega e dei alti costi de produsion, fin a ła cesasion formałe de l'atività inte'l 2004 de ła Grundig AG. Drioman dopo che ła xe stà zmenbrà in pluzore sosietà ed aver canbià ła propia razon sosiałe in Grundig Intermedia GmbH ła ze deventada de propietà de ła turca Koç Holding, inisialmente in partesipasion paritètega co l'ingleze Alba plc. Inte'l 2007 ła Koç ła ga rełevà el 100% de ła Grundig Multimedia BV, azienda todesca che ła ga sede inte i Paezi Basi soło par comodità e che ła detien a só volta ła Grundig Intermedia GmbH.

Radiorisevidor Grundig Satellit 2100 (fin ani '70)
Involzimenti par rezistradori a bobina, fàbrega de Bayreuth (1959)
Confesionamento de fonovałixe a bobina inte ła fàbrega de Bayreuth (1959)
Prateganti inte ła fàbrega de Fürth (1959)

Grundig & Wurzer[canbia | canbia el còdaxe]

L'istòria de l'azienda ła scominsia inte'l 1930, co'l negosio de radio Fürth, Grundig & Wurzer (RVF). Dopo ła segonda guera mondiałe, Max Grundig el gavea capìo łe potensiałità de'l mercà todesco de łe radio, e inte'l 1947 ła ne produse un kit, mentre che i ze stà verti un stabiłimento e un sentro oparativo a Fürth. Inte'l 1951 ze stà fabregà i primi tełevizori, e drioman ze stà verzeste nove divizion a Norinberga, Francoforte e Karlsruhe. Inte'l 1960 a Belfast, inte l'Irlanda de'l Nord, ła Grundig ła ga costruìo i primi rejistradori a nastri de cuałità profesionałe.

Rejistrador a bobine Grundig bidiresionałe de'l 1955

Daspò ła trasformasion de l'azienda da sosietà a responsabiłità łimitada (GmbH) in società per azioni (Sosietà par asion) (AG), avenjesta inte'l 1972, ła Philips ła ga inisià a rełevarne łe cuote, fin a controłarla inte'l 1993. Sincue ani drioman, ła Grundig ła ghe ze stà vendesta a un consorsio bavareze, a cauza dei scarsi ùtiłi soto ła Philips. El consorsio el jera ła BEB, Bayerische Elektronik-Beteiligungs GmbH & Co. KG, co asionisti Kathrein, Bayerische Landesbank Girozentrale, Bayerischer Sparkassen- und Giroverband, Hypovereinsbank e ła Bayerischen Landesbank für Aufbaufinanzierung.

Inte'l zunjo de'l 2000 ła sosietà ła ga trasferìo el propio cuartier zenerałe a Norinberga, e un ano drio l'a rejistrà na perdita de 1,281 miłiardi de euro. Inte l'autun de'l 2002 łe banche no łe ga pì erogà prestìi a ła Grundig, che cusì l'ano sucesivo ła ga dichiarà bancarota e ła ga vendesto ła divizion dei inpianti satełitari a ła Thomson. Inte'l 2004 ła britànega Alba plc e ła turca Beko, sosietà de ła Koç Holding ła rełevava ła Grundig Home InterMedia System, ła divizion de l'ełetrònega de consumo.

Inte'l 2007 l'Alba ła ghe ga vendesto ła propia cuota a ła Beko[1], ma ła sèita prodùzer radio e tv co marca Grundig par i mercài inglezi (fin a'l 2012) ed austrałian (fin al 2012).

Inte i Stati Unii i prodoti Grundig i ze costruìi so łisensa da ła Eton Corporation (za Lextronix), co baze a Palo Alto. In Spanja ła Grupo Vitelcom ła produxe invese tełefoni cełułari soto ła marca Grundig mobile, mentre ła Delphi ła produze co l'istesa marca algune autoradio.

Prodoti[canbia | canbia el còdaxe]

I prodoti Grundig i ze da senpre paramenti radio ed ełetrònega de consumo: Radio, Tełevizori, Rezistradori audio, Videorezistradori, HiFi, Autoradio ma anca sistemi de seguresa, de mezùra, resevidori satełitari.

Notasion[canbia | canbia el còdaxe]

  1. British Retailer Alba Sells Stake in Grundig, Appliance Magazine, Los Angeles, CA, 12-19-2007 Archivià il 27 de zunjo 2013 in Internet Archive. .Accessed:11-10-2008.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Grundig&oldid=1107115"