Gorna

Da Wikipedia, l'ençiclopedia libara.
Jump to navigation Jump to search

La gorna la è na canala de scolo par la aqua pioana e par la neve co la se desfa.

Sto sistema de racolta al limita i efeti de 'l dilavament de l'aqua su la superficie esterna de 'n edificio, che senò al podaree conportar deteriorament e dani estetici seri. Sensa far an sistema de racolta fat polito, difati, l'aqua la coreree deslonch de i mur, portando sporch, ma anca agenti fisici e chimici potensialmente agressivi, generando mace e striadure visibili e provocando te 'l tenp na asion de danejament e degrado par le finidure esterne, e de le olte anca la penetrasion de l'aqua 'te i locai interni tramite i seramenti.

Materjai[canbia | canbia el còdaxe]

La gorna la gnen fata de solito co tubi de lamiera de ran o de aciaio inossidabile, che i garantinn la bona durada te 'l tenp; pol gner doperà anca materjal pì a bon marcà, costituì da lamiera zingada, al qual però al garantiss na durada in servisio an bel poch pì curta. Na nova lega co la qual se à i vantagi de 'l ran e costi pì bassi la è al titanzinco, an materjal che al pol er diverse tonalità de biso stabili te 'l tenp, a 'l contrario de 'l ran che co 'l tenp al se ossida. I primi tipi de gorna i era fati co na taja de legn, de solito de laress, scavada tut deslonch co la assa.

Messa in opera[canbia | canbia el còdaxe]

Na gorna

La gorna la gnen fissada a pochi schei da 'l bordo de 'l quert da la banda aonde che la pendensa la fa binar l'aqua. Al fissajo al gnen fat tramite de i elementi particolari ciamadi cicogne. Le cicogne le è dei fer da na parte dreti (aonde che i gnen fissadi a i muralet) e da na quelaltra piegadi a c (aonde che gnen pojà la gorna). la gorna la à na pendensa minima che la ghe ocor par far confluir l'aqua te 'n punto aonde che la gnen descargada tramite an docion (cioè an toch de tubo che descarga 'te 'l vodo) o tramite an tubo che al convolja l'aqua 'te 'l teren o te 'n posseet che al pol esser colegà a na manega o a na fognatura bianca.

La tipologia de la gorna e de i pluviai la dipende da la quantità e da 'l tipo de precipitasion e anca da la sagoma de 'l quert. An quert conplicà, interonpest da spess, co tante falde e fat da toch a quote diverse, al arà an sistema de scolo de aque conplesso e costoss, serte olte anca co conseguense negative su 'l inpato estetico.

Varda anca[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Gorna&oldid=953343"