Google Translate xe on servisio de tradusion automadega creà da Google LLC, inte el 28 de aprile del 2006. El se pole dopararlo sia sol sito web e anca so la app. Google Translate uncò el suporta pì de 100 lengue de vari liveli e a partir da majo del 2017, el njien doparà da pì de 500 milioni de anime al dì.
Lancià inte el april del 2006 come servisio de tradusion automadega de statisteghe, el ga doparà le trascrision de le Nasion Unie e del parlamento eoropeo par ciapare dati lenguisteghi. Pì tosto che tradure le lengue, prima el traduxe el testo in inglexe e dopo inte la lengua che se ga strucà. Durante na tradusion, el serca segni in milion de documenti par jutar a catar la tradusion mejore. La so acuratesa la xe sta criticada e mesa in ridicolo in tante ocaxion. Par sto motivo, a novenbre del 2016, Google ga dito he el Google Translate el saria divegnesto na Google Neural Machine Translation (GNMT), chel traduxe intiere fraxi so na olta, al posto de tradur parola par parola o pochi tochi a la olta. Sto contesto pì grando, el serve par jutarghe a catar version de tradusion pì fedeli co la realtà. El GNMT l'è doparà par poche lengue, ma gradualmente el se xe drio xlargar a tute le lengue prexenti so Google. La lengua Veneta no la xe njancora presente.
Wikimedia Commons el detien imàjini o altri file so Google Translate
el detien schemi gràfeghi so 
