Google Home (dispoxidivo)

Da Wikipedia, l'ençiclopedia libara.
Google Home (sanca) col Google Home Mini (drita) e el Google Home Max (al çentro)

El Google Home, l'è na marca de altoparlanti intelijenti xvilupai da Google. El primo dispoxidivo de sto xenare, l'è sta anunçà inte el Majo del 2016 e l'è sta lansà ufiçalmente inte i Stati Unii de ła Mèrica el novenbre del steso ano,co version postere in tuto el mondo durante el 2017.

Google Home el permete ai uxuari de doparar comandi de voxe par interajire col servisio de asistensa vocałe de Google, ciamà Google Assistant. El se integra co on gran numaro de dispoxidivi, de marca Google o de terse parti. El dispoxidivo Google Home el ga dentro la conpatibilità co la domotica, permetendo cusì ai uxuari de controlar i eletrodomereghi intelijenti, scoltar muxica, inpisar la tełevixion e calsiasi altro dispoxidivo intelijente, solamente dandoghe comandi co la voxe, prima dixendoghe "Ok Google" par xvejarlo.

Storego[canbia | canbia el còdaxe]

Inte el Marso del 2016, xe stae publicae notisie andove se dixea che Google garia xvilupà on altoparlante sensa fili par conpetare contro l'Amazon Echo de Amazon. El Google Home l'è sta prexentà ofiçalmente a la confarensa de xvilupadori de la compagnia inte el majo del 2016,[1][2] e da là, xe sta anunçà che Google Home el saria sta conpatibile co l'aplicasion de Google Assistant.[3]

El 4 de otobre del 2017, Google el ga anunçà el Google Home Mini, che l'è na variante pì cea e manco costoxa del Google Home normal, che la xe sta lansada el 19 de otobre del 2017, e anca el Google Home Max, che l'è na variante pì granda e pì costoxa che la xe sta lansada el 11 de desembre del 2017.

Pì informasion[canbia | canbia el còdaxe]

Altri projeti[canbia | canbia el còdaxe]


Linganbi foresti[canbia | canbia el còdaxe]


  1. Bohn, Dieter. «Google Home: a speaker to finally take on the Amazon Echo». Vox Media, May 18, 2016. [Consulta: March 28, 2017].
  2. Grunin, Lori. «Android N, Daydream VR, Google Home and more: Everything announced at Google I/O 2016». CBS Interactive, May 18, 2016. [Consulta: March 28, 2017].
  3. Mossberg, Walt. «Mossberg: Google doubles down on AI». Vox Media, May 19, 2016. [Consulta: March 28, 2017].


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Google_Home_(dispoxidivo)&oldid=1044023"