Golfo de Fiume

Da Wikipedia, l'ençiclopedia libara.
Jump to navigation Jump to search
Golfo de Fiume
Krk (island).jpg
El Golfo de Fiume se cata in alto a sinistra
Parte de Mar Adriàtego
Sudivixo in Baja de Bucari
Baja de Castelmusċio
Coordinae

45°13′N 14°24′E / 45.22, 14.40Coordinate: 45°13′N 14°24′E / 45.22, 14.40

Giografia umana
Giografia pułitega
Stati Flag of Croatia.svg Croàsia
Rejon Rejon łitoraneo-montana
Mapa de locałixasion: Croasia
Golfo de Fiume
Mapa de locałixasion: Croasia
Golfo de Fiume

El Golfo de Fiume (Riečki Zaljev en croato) el xe un golfo del Mar Adriàtego che se cata tra el continente Europeo a nord e ovest, l'ixoła de Cherso a sud e cheła de Vegia a est. El ciapa el so nome da ła sità croata de Fiume, situada su ła so costa setentrional. El comunica verso sud co' el Golfo del Carnaro tramite el Canal de ła Farexina (en croato Vela Vrata), e col Golfo del Carnaroło tramite el Canal de Mezo (en croato Srednja Vrata); verso est el pasa al Canal de ła Morlaca (en croato Velebitski Kanal) tramite el Canal de Vinodol (en croato Vinodolski Kanal).

No el xe particołarmente grando, ma el xe pitosto fondo, soratuto indando verso el continente.

El se cata intieramente inteła piataforma continental, e el xe sta somerso da łe aque del mar da un tenpo giologicamente breve: durante l'ultima glaciaxion el jera atraversa da dei fiumi che rancurava łe aque dei munti istriani e łe portava verso el Carnaroło indove łe formava un łago. Łe so coste łe xe tute abastansa ripide, cusi no el ga modo de risevar int'el so basin dei fiumi importanti.

Ła marea normalmente ła xe abastansa modesta (0,3—0,5 m), ma ła risente molto de l'efeto del vento [1]. 'Na corente el lo atraversa in senso antiorario [1].

Łe so coste łe xe aministrae da ła Rejon łitoraneo-montana de ła Croasia . Łe so cità pi importanti ła xe Fiume e Abasia.

El golfo el xe bastansa fondo da parmetar a navi petrołiere de utiłisarlo come scało, par 'sto motivo su ła so costa nord ga avuo modo de sviłuparse l'industria cantieristega e cheła petrolchimega.

Note[canbia | canbia el còdexe]

  1. 1,0 1,1 (HR)Riječki zaljev