Gary Coleman

Da Wikipedia, l'ençiclopedia libara.
Coleman in un'imàxene del 22 de apriłe, 2007

El xe stà conosùo par el ròło de Arnold Jackson ne ła tełefilm Il mio amico Arnold (Diff'rent Strokes), trasmeso inte i Stati Unii dal 1978 al 1986.

Biografia[canbia | canbia el còdaxe]

Carièra sinematografega[canbia | canbia el còdaxe]

Coleman, nato co na małatìa congenita ai reni, el gà senpre tribołà de nefrite. Drìoman el so sviłupo de cresita se gà interòto in xovene età. Inte el 1978, durante l'epixodio de ła sit-com I Jefferson "Uncle George and Aunt Louise", indove el gà interpretà el personaxo de Raymond Jefferson, So nevòdo de George e Louise. L'è deventà famoxo par el ròło de Arnold Jackson inte el tełefilm Il mio amico Arnold. Sucesivamente inte el 1979 e 1982 el gà fato dei camei ne ła serie L'albero delle mele (spin-off di Arnold) inte el ròło de Arnold Jackson. Grasie al suceso otegnùo par el fato de eser conosùo da tuti da ła serie inte el 1982 xe 'l protagonista del dexegno anemà The Gary Coleman Show (che se gà baxà sol film L'angioletto senza ali), interpretà dal steso Coleman. Senpre inte el 1979 l'è stà protagonista del film TV "La Mascotte" (The Kid from Left Field), un film anbientà inte el mondo del baseball, remake de l'omonemo film del 1953.

Inte el 1996 el xe conparso ne l'ultemo epixodio de ła sit-com Willy il principe di Bel-Air, in conpagnìa de Conrad Bain, senpre inte el ròło de Arnold e pàre de potensiałi conpradori de ła carbona de so barba de Willy. In sta ocaxion el gà rispolvarà el vècio tormentón "Che cavolo stai dicendo Willis" modifegandoło in "Che cavolo stai dicendo Willy" revòlto a Will Smith, questa xe stàda l'ultima aparision del personaxo de Arnold. Sbandonà l'atività de atór, el gà laorà cofà vardìa privàda inte el Utah, dove el se ga trasferìo inte el 2005, comparindo ogni tanto in alcune produsion minori o par qualche cameo.

Declìn[canbia | canbia el còdaxe]

Inte el 2002 a l'interno de uno dei livèłi de xogo del viołento sparatutto Postal 2 el xe ad un picoło convegno in un centro comerciałe, a prexentàr e a promovèr un libro scrito da łù. Senpre inte el 2002 el gà partesipà a ła trasmision Matricole & Meteore prexentàda da Enrico Papi e Sabrina Salerno jera inviata speciałe, e ła xe andada inte i Stati Unii d'America par intervistarlo. Inte el 2006 el xe stà protagonista del film La vera storia di Arnold [1]. El gà fato de łe aparision durante ła sit-com 'mericana Tutto in famiglia. El gà parteçipà a do epixodi de ła serie americana Buck Rogers. Inte el 2006 el gà partesipà anca al programa par tóxi Nickelodeon, Drake e Josh.

Cołaborasion muxicałi[canbia | canbia el còdaxe]

Indrìoman el gà fato parte de alcuni video muxicałi. Eco qua ła cronołogìa:

  • Inte el 1999 xe conparso inte el video muxicàl Cowboy de Kid Rock interpretando un pistołero.
  • Inte el 200 el gà partesipà al video muxicałe dei Slun Village "Climax" inte el ròło de un coméso.
  • Inte el 2005 el gà parteçipà al video muxicàl del wrestler John Cena Bad Bad Man.

Carièra połitega[canbia | canbia el còdaxe]

Inte el 2003 el se ga avisinà anca a ła połitica, anunciando el so vołer candidarse a deventàr governador de ła Całifornia; dopo che Arnold Schwarzenegger xe intrà in połitica, el gavea dichiarà ch'el se vołea ritiràr puxando l'ex ator, ma esendo a titoło uficiałe registrà ne ła łista dei candidati no'l gà pì podesto far depenàr el so nome da ła scheda ełetorałe. Durante łe consultasion Gary gà otegnùo 14 282 prefarense (0,16%) e xe rivà otavo so 135. Ne l'agosto del 2007 [2] Coleman gà spoxà Shannon Price, ch'el gaveva conosùo durante łe riprexe del film Church Ball; ła notisia del matrimionio xe stà diramà diversi mexi drìo, inte el febraro 2008. Dopo soło oto mexi che jera pasà dal matrimonio l'avea decixo de andàr co ła xovane mujèr in direta so na trasmision tełevixiva del programa 'merican Divorce Court ma, a difarènsa dei altri conocorenti, co l'intension de vołèr salvàr el so matrimonio[3].

Guai xudisiari[canbia | canbia el còdaxe]

El xe stà incamusà do volte: inte el 2008 parchè gà investìo na persona in un parchegio, e inte el 2009 par prexunte viołense desmèsteghe[4]. Sucesivamente, durante ła pontàda de na trasmision tełevixiva "The insider", col fìn de riabiłitarlo danànsi al publico, el gà dà in scandesénsa co i xornałisti e i prexentadori sbandonando exabrùto ła sèna co ła maravegia de tuti.

Ła morte[canbia | canbia el còdaxe]

Dovùo a ła gran malformasion dei so reni ch'el gà avùo fìn da picenìn, el gà dovesto subìr do traspiànti ai reni in xovene età, ma 'l gaveva da sotopónerse xornalménte a diałixi. Dopo eser stà sotoponesto ad altre do operasion chirurgiche inte i primi mexi del 2010, segondo quanto ricostruìo se gavarìa verifegà un inçidente xontà do noti 'vanti de desconparìr, ne l'abitasion de l'ator a Santaquin, viçin a Salt Lake City, dove l'ator cascando gà batùo ła gnòca.

Drìo el strapòrto urgente a l'ospeàl, łe so condision el dì drìo gera pexoràe, col gà perso conosensa andando in coma. Da quel momento el xe stà tegnùo in vita in modo artifiçiałe par un altro xorno, finchè so mugèr gà richiedesto che quèłe machine che ło tegniva vìvo fuse destacàe.

Altre aparision[canbia | canbia el còdaxe]

  • El xe aparìo ne l'epixodio de I Simpson "A Natale ogni spassolo vale".
  • El xe aparesto ne l'epixodio de I Griffin "Brian torna al college".
  • Inte el 1986 el xe stà ospite de ła trasmision Superflash prexentàda da Mike Bongiorno so' Canale 5. In queła cogiuntùra ghe xe stà regała un modełìn de na łocomotiva, esendo łù un gran cołesionista de trenini.
  • Inte el 2008 el xe stà ospite inte el programa de Rai Uno I migliori anni prexentà da Carlo Conti.
  • Caparezza cita ła so smara in "Goodbye Malinconia" (Il sogno eretico, 2011)
  • Fabri Fibra ghe dedica na canson in "Il Mio Amico Arnold" (Casus Belli (EP), 2012)

Gary Coleman in Avenue Q[canbia | canbia el còdaxe]

El musical famoxo inte i USA e in Gran Bretagna dal titoło "Avenue Q" ło vede raprexentà cofà un fituàl de na speçie de condominio abità da omeni o da marionète.

Nel musical Avenue Q uno dei personaxi xe pròpio Gary Coleman, che desmentegà da ła TV e cascà in desgrasia se ga reduxesto a far el portinèr del condominio indove vive i personaxi.

Note[canbia | canbia el còdaxe]

  1. La vera storia di Arnold in prima tv. tvblog.it
  2. Elmar Burchia. Arnold finalmente sposo. Corriere.it. Lingambo vardà el 13-02-2008.
  3. Sandy Cohen. (EN) Gary Coleman brings marital woes to 'Divorce Court'. USA Today, 25-04-2008. Lingambo vardà el 27-05-2008.
  4. Fonte: La Repubblica, 25.01.2010, "«Arnold» Gary Coleman nei guai, violenze domestiche"

Altri progeti[canbia | canbia el còdaxe]

Cołegamenti esterni[canbia | canbia el còdaxe]

Controło de autoritàVIAF (EN69135367 · ISNI (EN0000 0000 7825 0027 · LCCN (ENn2010018424 · BNF (FRcb140665808 (data) · BNE (ESXX1579896 (data) · WorldCat Identities (ENn2010-018424
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Gary_Coleman&oldid=1015500"