Gabineto de goerno

Da Wikipedia, l'ençiclopedia libara.
Gabineto de goerno Francisco Sagasti del Perù

Un Gabineto o Gabineto de goerno el ze un corpo de menbri de alto rango de ła rama ezecutiva del goerno de na nasion. In pì el ze conosesto cofà Consejo dei ministri, Consejo ezecutivo o Consejo de Stato, nome che cànbia dipendendo da ła forma de goerno de un stato.

Inte i stati parlamentari el gabineto el decide in magnera cołejałe ła pułìtega e ła diresion del goerno, sora de tuto in rełasion a ła lejislasion aprovada dal parlamento; o sia, i costituise, insieme, el podere ezecutivo de ła nasion. I menbri del gabineto dei sistemi parlamentari, de frecuente ciamai "ministri", i ze menbri del parlamento e i se spartise łe funsion lejislative. I ze dezignai cofà responsàbiłi de un calsiase dei ministeri de ła nasion co conpiti spesìfeghi (es. "Ministero de ła Defeza", "Ministero de ła Sałute", etc.)

De contràrio, inte i stati presidensiałi, el gabineto no el funsiona cofà un'influensa lejislativa ma cofà un grupo de consejeri o asistensa tècnega al cao del goerno. I menbri del gabineto dei sistemi presidensiałi, de frecuente chiamai "segretari" (e raramente "ministri"), no i ze menbri del Congreso (o del parlamento) ma i vien nomenai diretamente dal cao del goerno col fin de derìzar uno dei segretariai o dei departementi del poder ezecutivo (ez. "Segretarià de l'Istrusion", "Departemento de Stato", etc.). Ponesto che i ze responsàbiłi del funsionamento de un'àrea ezecutiva, i so cònpiti no i deferise in nisuna magnera dai ministri dei sistemi parlamentari, se no par el fato no i ga capasità de crear o proponer leji.

Notasion[canbia | canbia el còdaxe]


Altri projeti[canbia | canbia el còdaxe]


Linganbi foresti[canbia | canbia el còdaxe]



Controło de autoritàNDL (ENJA00616813
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Gabineto_de_goerno&oldid=1078086"