Franco Baresi

Da Wikipedia, l'ençiclopedia libara.
Jump to navigation Jump to search
Franco Baresi
(IT) Franchino Baresi
Franco baresi panini card 1979.jpg
SitadinansaItałia
Nasimento8 de majo 1960, Travagliato
Łéngue parlaeŁengua itałiana
Scumìsio de łe atività1977
Ocupasion
SporAłenador (ex difensor)
PremiHall of Fame del calcio italiano - Giocatore italiano, Ufficiale OMRI e collare d'oro al merito sportivo

FIFA: 174375 UEFA: 416


Franco Baresi, a ła nagrafe Franchino Baresi (Travagliato, 8 de majo del 1960), el xe on dirixente sportivo, ałenador de bałon e ex xugadore de bałon italian, co el roło de difensor, vixepresidente onoràrio del Milan. El xe stà canpion del mondo inte el 1982 e vixecanpion del mondo inte el 1994 co ła nasionałe italiana.

Soranominà da xovane Piscinin e, indrìomnan, Kaiser Franz in onor de Franz Beckenbauer, se ga segnałà fin da xovane come uno dei marxori tałenti espresi dal calcio itałian e 'l xe considerà i pì forti xogadori de ła storia.[1][2][3][4]

Durante ła so carièra profesionistega el ga senpre miłità inte el Milan, squadra indove ga xogà par vinti staxon (cuindexe da capitan) dal 1977 al 1997. Inte ła scuadra rosonera el xe 'l segondo xogador co pì prexense, sia par cuanto revarda el canpionato sia par łe cope europee. Col Milan el ga vinsesto sìe scudeti, tre Copa dei Canpioni, do Cope Intercontinentałi, tre Supercope europee e cuatro Supercope itałiane. Insieme ai conpagni de reparto Mauro Tassotti, Paolo Maldini e Alessandro Costacurta, el ga conposto una de łe mejo łinee defensive de ła storia del calcio.[5]

Coła nasionałe itałiana, inte ła cuała el ga miłità par cuatordexe ani, el ga parteçipà a tre canpionati del mondo (Spagna 1982 , Italia 1990 e Stati Uniti 1994 ), vinsendo cueło spagnoło, e do canpionati d'Europa (Italia 1980 e Germania Ovest 1988 ). Dal 1991 al 1994 el xe stà capitan dei axuri.

Inte’l 2004 el xe stà incluxo inte ła FIFA 100, łista dei 125 pì grandi xogadori viventi, sełesionada da Pelé e da ła FIFA in ocaxion de łe çełebrasion par el çentenario de ła federasion, e inte’l 2013 l’è entrà a far parte de ła Hall of Fame del calcio itałian.[6] El ocupa ła 19ª poxision inte ła speciałe clasifega dei mejo xogadori a bałon del XX sècoło publegada da ła rivista World Soccer.[7] El 16 disenbre 1999, in ocaxion de ła festa organixada par çełebrar i çento ani del Milan, el xe stà ełeto dai so tifoxi «miłanista del sècoło», cioè el xogador pì raprexentadivo inte ła storia rosonera.[8] El xe rexultà el 17º inte l'UEFA Golden Jubilee Poll, un sondajo online condoto da ła UEFA par çełebrar i meori xogadoi d'Europa dei çincuanta ani presedenti.[9]

Biografia[canbia | canbia el còdaxe]

El xe restà òrfano ‘pena co’l gavea cuatordexe ani.[10] El xe spoxà co’ Maura Lari, da cui el ga avùo el fiól Edoardo inte’l 1991; inte’l 1997 ła cubia ła ga adotà un putèło a cui xe stà dà el nome de Giannandrea. El xe xio de ła xogadora Regina Baresi, so fìa del fradèło Giuseppe.

Carateristeghe tecneghe[canbia | canbia el còdaxe]

Xogador[canbia | canbia el còdaxe]

Baresi II el xe dotà de un stiłe únego, prepotente, inperioxo, tałora spietà. El se buta so'l bałon cofà na belva: e se par un caxo danà no ło ciapa, ch'el bon Dio salve chi che ne xe in poseso ! El va fora dopo un antisipo atejandose a mose de viriłe bełesa gladiatora. El staca bene, el comanda mejo in regia: el avansa in una secuenza de falcae non manco piaxenti che enerxeghe: el gavese anca ła łegnada del gol, el sarìa el masimo ma visto so ła tera co'l braxiłian Mauro, batitor łibaro del Santos Futebol Clube e de ła nasionałe braxiłiana 1962.|Gianni Brera, la Repubblica, 3 de xenaro 1992

Xogador[canbia | canbia el còdaxe]

Exordi e primi ani al Milan[canbia | canbia el còdaxe]

Baresi ga tacà xogar a bałon in tènara età insenbre ai fradełi Angelo e Beppe. A cuindexe ani el ga partesipà a un provìn a l'Inter, scuadra che gavea xa reclutà Beppe, ma el xe stà scartà par łe so carateristeghe fìxeghe. A sto ponto Italo Galbiati ło ga invità a provar un provìn al Associazione Calcio Milan. Dopo tre provini e grasie a l'insistensa de Guido Settembrino, Baresi xe entrà inte łe xovaniłi rosonere. Qui el ga łigà in partegołar co’l conpagno di scuadra Gabriello Carotti e co’ l'ałenador Giuseppe Marchioro.[11]

L'exordio in prima scuadra e in Serie A xe avegnùo el 23 avrìl 1978, a 17 ani, inte ła partìa Modeło:Calcio Verona-Milan (1-2). In cueła stajon el ga otegnùo anca 2 presenxe in Copa Italia. Tutavia, ła permanensa in prima scuadra del xovane Piscinin (soranòme che ghe xe stà dà masajador dei rosoneri Paolo Mariconti) fxe stà menasà da calche ritroxia co’ Albertosi e Capello. Superàe ste ùlteme, el xovane e prometente difensor ga scumisià a bel beło ad anbientarse inte’l spojatoio e, grasie a ła so grinta, a ła so personałità e a ła so madurità tàtega,[11] el xe riusìo a farse apresar anca da ła stòrega bandiera e capitan rosonero Gianni Rivera («Questo ragazzo farà molta strada») (Sto toxo el farà tanta strada).

Inte l’anada 1978-79 l'ałenador Nils Liedholm no ga exità a sacrifegar un łìbaro de proada espariensa cofà Turone par farghe posto in scuadra. In cuel’anada, xogada senpre da titołar, Baresi ga exordìo in Coppa UEFA e ga vinsesto el scudeto, el desimo de ła storia Milan. Rivera, inaxonta, el ga convisesto ła dirigensa del Milan a premiar anca Baresi co’ l premio scudeto de 50 miłioni de łire,[11] a testimoniansa del'òtemo raporto che se ga instaurà intra i do. Inte’l 1979, co’ ga serà el canpionato, Baresi xe sucedesto pròpio a Rivera, oramai a ła fin de ła so carièra, come omo-sìnboło e guida del spojatoio miłanista.[12]

Drìoman a ła retrocesion in Serie B del Milan inte’l 1980, desidesta da ła sentensa rełativa al scandało del calcio scomese, el xe sstà tra i pochi de ła roxa che no ga łasà ła sosietà[13] El 20 agosto 1980 el ga reałixà el primo gol co’ ła maja rosonera inte ła partìa de Copa Italia parixada 1-1 contra l'Modeło:Calcio Avellino e, a fin stajon, l’è stà uno dei asołuti protagonisti del ritorno del Milan in Serie A. Inte ła staxon 1981-82, colpìo da ‘na małatìa del sangue, el xe stà costreto a łasar el canpo par sìrca cuatro mexi. Sensa ła so guida difensiva, el Milan andò xera andà al bando e, a fine staxon, xe retrosedesto par ła segonda volta in Serie B.[11] Inte’l 1982 xe seguìa par Baresi ‘na ràpida sałìda a łiveło profesionałe. Fresco canpion del mondo co’ ła nasionałe itałiana, el xovane difensor, rifiutada ‘an oferta de ła Modeło:Calcio Juventus,[14] ga firmà un contrato bienałe de sìrca 100 miłioni de franchi a l’ano e ‘l xe deventà el novo capitan dei rosoneri a sołi 22 anni, dopo łe partense de Aldo Maldera e Fulvio Collovati. El ga guiidà el Milan a ła segonda promosion in Serie A, drìoman el ga rinuncià a vestir łe maje de Modeło:Calcio Sampdoria ed Modeło:Calcio Inter par continuar ła so carièra co’ l Diavoło, dando cusì ‘na pì granda prova de afeto e tacamento ai cołori rosoneri.

I ani de Sacchi[canbia | canbia el còdaxe]

Co l'arivo del prexidente Silvio Berlusconi e de l'ałenator Arrigo Sacchi, el Milan ga canbià rołin de marcia e se ga potensià in ogni reparto, conponendo na scuadra che ani drìo ła vegnarà definìa "el club pì forte de tuti i tenpi" da ła rivista World Soccer.[15] L'inisio, però, no xe stà fàçiłe par Baresi, anca a cauxa del difiçiłe raporto co'l novo tecnico Sacchi. El capitan ga avesto ripetue crixi de rigeto a furia de oservar costantemente i movimenti e łe prestasion de Gianluca Signorini, libero del Calcio Parma, ex-scuadra de Sacchi.[Sacchi el te inponeva el divertimento de far pressing, el divertimento de robar el bałon a l'aversario. Tute robe che łe gaveva da exaltarne, no aviłirne., [[#CITEREF[Sacchi el te inponeva el divertimento de far pressing, el divertimento de robar el bałon a l'aversario. Tute robe che łe gaveva da exaltarne, no aviłirne.|op. cit.]], Franco Baresi.

Metesti da parte i problemi co l'ałenator, Baresi e conpagni xe riusìi a conpir na picoła inprexa sportiva, sorpasando in sima a ła clasìfega el Napoli canpione in carga, dopo averlo sconfixesto al Stadio San Paolo in te ła tersultema xornada de canpionato, e concuistando el scudeto 1987-88 grasie al parixo a l'ùltemo turno co'l Como.

Inte ła stajon 1988-89 xe rivà l'afermasion europea co ła concuista de ła Copa dei Canpioni contro ła Steaua Bucarest a magio, mentre inte'l mexe de xugno i rosoneri se axudegava anca ła prima edision de ła Supercopa itałiana contro ła Calcio Sampdoria. In entranbe łe ocaxion xe stà Baresi a alsar al çieło i do trofei, ma ciò no xe bastà a vinser el Bałon d'oro 1989, apanaggio del conpagno de scuadra Marco van Basten, che ga avesto ła mejo so Baresi par 39 punti.[16]

Notasion[canbia | canbia el còdaxe]

  1. (EN) World Soccer 100 Players of the Century. 15 dicembre 2001
  2. «I migliori 100 giocatori della storia del calcio. Sul podio Maradona, Messi e Pelé».
  3. Costa, op. cit., p. 612.
  4. Panini, op. cit., p. 527.
  5. (EN) The top 20 most under-rated footballers of all time. 2 aprile 2015
  6. Hall of Fame del calcio italiano (archivià dal lingambo del prinsipio n'te ła data: 9 dicembre 2013)
  7. (EN) World Soccer 100 Players of the Century. Lingambo vardà el 11 dicembre 2009.
  8. Baresi, il più amato dai milanisti Centenario rossonero: i tifosi premiano il «capitano», Rivera grande assente alla festa. 16 dicembre 1999 (archivià dal lingambo del prinsipio n'te ła data: 15 dicembre 2014)
  9. Erik Garin. inglese The UEFA Golden Jubilee Poll. 21 dicembre 2006. Lingambo vardà el 20 agosto 2015.
  10. Franco Baresi
  11. 11,0 11,1 11,2 11,3 Franchino (detto Franco) Baresi. Lingambo vardà el 9 maggio 2015.
  12. Tommaso Maschio. Milan, Rivera: "Impossibile paragonare giocatori di epoche diverse". 2 dicembre 2013
  13. Interviste storiche: Franco Baresi. 7 maggio 2014. Lingambo vardà el 9 maggio 2015(archivià dal lingambo del prinsipio n'te ła data: 15 dicembre 2014)
  14. «I 60 anni di Franco Baresi: «Il Milan è la mia vita. Sacchi, un genio: in cima al mondo con un calcio nuovo»», Corriere della Sera, 8 maggio 2020.
  15. C'è solo il Milan di Sacchi tra i 10 top team di sempre. 10 luglio 2007. Lingambo vardà el 10 aprile 2015.
  16. Baresi si racconta: "Non ho vinto il pallone d'oro, nessun rancore con van Basten". 27 ottobre 2012. Lingambo vardà el 9 maggio 2015(archivià dal lingambo del prinsipio n'te ła data: 18 maggio 2015)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Franco_Baresi&oldid=962212"