Floppy disk

Da Wikipedia, l'ençiclopedia libara.
Floppy disk
Floppy disk 2009 G1.jpg


Da sànca a drèta, floppy disk da 8, 5¼ e 3½ pollici
Strutura de un Floppy disk:
1) Indegadór disco ad alta capasità
2) Perno del disco
3) Łenguèła de protesión
4) Plàstega de l'invołucro
5) Carta de protesión
6) Disco manjetego
7) Setór de scritura

El Floppy Disk (ciamà anca discheto o in inglexe floppy), el cui termene vol dir "disco flesibiłe", xe un suporto de memoria dixitałe de tipo manjetego inventà da l'IBM. Sendo stà par piasè de diexe ani el dispoxidivo de memoria pì utiłixà, l'imajine del discheto xe stà inpiegà inte l'interfasa gràfega de programi e siti web par poder dar el comando de salvatajo dei dati e sta funsión l'è restà anca cuando ch'el so utiłixo co suporto fìxego xe deventà obsołèto.

Storia[canbia | canbia el còdaxe]

Nasésto inte el 1967, el gà subìo xviłupi difarenti fin ai ani otanta, portando sto ùltemo a deventàr senpre piasè picenin ma anca pì grando de capiensa, venjendo difuxamente uxà cofà memoria de masa 'conomega. Al prensìpio dei ani novanta, el xlargar de łe dimensión dei software gà costrenxesto a destribuìr tanti pì programi so pì de un discheto, inserìndo na parte de software in onji disco.

Co xe rivà l'uxo de Internet, i discheti gà tacà a deventàr obsołèti anca par trasferìr i dati e i xe stà dexmentegai e cavai via dal marcà (pì o manco inte ła prima metà dei ani 2000). Anca i produtori de computer gà dovesto adatarse, cavando via ła so funsión dai so dispoxidivi.

Come funsionaveło ?[canbia | canbia el còdaxe]

I dati inte el discheto i venjea memorixà so un sotiłe disco flesìbiłe che el jera drento de l'invòjo, in formato binàrio e in manièra persistente, grasie a un proseso de manjetixasión. I dati jera scrivesti so na serie de setóri (blochi angołari del disco) e so trase (serci consentreghi a ragio costante). Par far un exenpio, i discheti HD da 3 połìci e mèxo uxava 512 byte par setór, 18 setóri par trasa, 80 trase par lado e 2 ladi.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Floppy_disk&oldid=1088700"