Fame (serie tełeviziva)

Fame

Paeze	Stati Unii d'America
Ano	1982-1987
Tipo fiction	serie TV
Zènare	drama tełevizivo
Spàsio d'anbientasion	New York
Ecuìp tècnega
Creador	Christopher Gore
Atori	Insegnanti Debbie Allen: Lydia Grant Carol Mayo Jenkins: Elizabeth Sherwood Albert Hague: Signor Benjamin Shorofsky Morgan Stevens: David Reardon Ken Swofford: Quentin Morloch Michael Thoma: Signor Crandall Graham Jarvis: Signor Bob Dyrenforth Puti Carlo Imperato: Danny Amatullo Valerie Landsburg: Doris Rene Schwartz Gene Anthony Ray: Leroy Johnson Lee Curreri: Bruno Martelli Erica Gimpel: Coco Hernandez Lori Singer: Julie Miller P.R. Paul: Montgomery MacNeil David Greenlee: Dwight Mendenhall Michael DeLorenzo: Michael Bronwyn Thomas: Michelle Bill Hufsey: Christopher Donlon Cynthia Gibb: Holly Laird Sam Slovick: Cassidy Jesse Borrego: Jesse V. Velasquez Nia Peeples: Nicole Chapman Caryn Ward: Tina Carrie Hamilton: Reggie Higgins Olivia Barash: Maxie Michael Cerveris: Ian Ware Janet Jackson: Cleo Hewitt Robert Romanus: Miltie Horowitz Loretta Chandler: Dusty Tyler Elisa Heinsohn: Jillian Beckett Page Hannah: Kate Riley Altri personazi Ann Nelson: Mrs Gertrude Berg Dick Miller: Lou Mackie Carmine Caridi: Angelo Martelli Dave Shelley: Caruso Madlyn Rhue: Angela Schwartz Betty Karlen: Gina Amatullo Judy Farrell: Charlotte Miller Donna McKechnie: Suzi Laird Louis Giambalvo: Carmine Amatullo Anthony Newley: Trevor Kane Ric Mancini: Mr. Amatullo Jimmy Osmond: Troy Phillips
Łéngua orizenałe	inglezo
Canałe orizenałe	NBC Syndication (it)
Durada dei capìtułi	60 min
Primo epizòdio	7 de zenaro, 1982
Ùltemo epizòdio	18 de majo, 1987
Stajon	6
Epizodi	136
Lista epizodi	episodi di Saranno famosi (it)
Premi	Anexo:Premios TP de Oro 1983 (es)
Pì informasion

Fame ("Fama") ła ze na serie tełeviziva statunitense creà da Christopher Gore e produzesta da ła Metro-Goldwyn-Mayer Television so ła sia del suceso de l'omonemo film direto da Alan Parker inte el 1980.

Ła serie, sponsorizà dai strumenti muzegałi Yamaha, che vien mostrà in modo prominente in numarozi epizodi, l'è ndà in onda inte i Stati Unii dal 1982 al 1987 so ła rede NBC e ła ze conponesta da un totałe de 136 epizodi distribuii in 6 stajon, ła ga risevesto 34 nomination ai Emmy vinsendone tre, nonché un Tełegato par ła Mejo serie tełeviziva.

Saranno famosi ła ze stà una de łe prime serie tełevizive a render partesipi łe fameje mericane de łe diłaganti piaghe sosiałi che, al sorzer dei ani otanta, jera drio diramarse senpre piasè inte i Stati Unii. Ad alcuni epizodi, ad ezenpio, se reconose el merito de aver afrontà, masime a l'inderiso dei zovanisimi, a l'èpoga i primi esponenti de ła cusi dita Generazione X, temàteghe e problemàteghe dełicàe, cofà el consumo de stupefacenti, ła descriminasion rasiałe, ła criminałità organizada, ła prostitusion menoriłe e l'alcołismo.

Trama

Un grupo de studenti e insenjanti de ła New York School of the Performing Arts i mete in sena i picołi e grandi drami parsonałi, famejari e sentimentałi in una serie de nùmari muzegałi, in partegołar coreografie e musical.

Produsion

El tełefilm, benché el fuse anbientà a New York, el ze stà scuazi conpletamente zirà a Los Angeles inte'l studio 26 de ła Metro Goldwyn Mayer. Saltuariamente el cast el se trasferiva a New York par zirar i esterni, che drioman i venjiva montà inte łe varie pontade. Debbie Allen, che ła intarpretava l'insenjante de dansa Lydia Grant, ła ga reałizà łe coreografie de scuazi tuti i bałeti e ła ga dirizesto anca alguni epizodi.

El ze ndà in onda inte i Stati Unii tra zenaro 1982 e majo 1987 so ła rede NBC, ma nonostante łe entuziàsteghe recension de ła critica, i ascolti i ze stà tut'altro che inpresionanti tanto che ła rede ła ga desidesto de scansełar ła serie drio solche do stajon. Tutavia, in baze ad un acordo spesiałe co ła LBS Communications, ła MGM ła ga continuà a produzer ła serie in syndication a partir da l'utuno del 1983 par altre cuatro stajon, co l'ùltemo epizodio in prima vizion in onda inte i Stati Unii el 18 de majo 1987, grasie anca al fato che ła serie ła ga avuo un mazor suceso in Europa e in partegołar in Inghiltera e Itałia.

In Itałia el ze sta trazmetesto da Rai 2 tra'l 1983 e'l 1990, inisialmente ła domenega sera a łe 20:40 e drioman zornalmente inte i pomeriji estivi intrà zunjo e setenbre tra łe 13:30 e łe 14:30, e'l ze stà replegà pì volte inte i ani anca so Rai 3. El suceso de'l tełefilm in Itałia el ze stà tałe che l'intiero cast el ze stà ospità a l'interno de'l programa de Rai 2 Raffaella Venerdì, Sabato e Domenica... E saranno famosi conduzesto da Raffaella Carrà. Ła istesa rede ła partesiparà cofà coprodutora co se ga desidesto de produzer ła serie in syndication

Casting

Alguni atori de ła serie tełeviziva i conparise inte'l film del 1980: Lee Curreri (Bruno Martelli), Gene Anthony Ray (Leroy Johnson), Albert Hague (Benjamin Shorofsky), Debbie Allen (Lydia Grant), indove parò ła gaveva un picoło roło cofà asistente coreografa. Da'l film deriva anca i parsonaji de Coco Hernandez, anbisioza toza łatina intarpretada da Irene Cara, Doris Finsecker, inte'l film Maureen Teefy, toza insanpada ma de tałento, sostituia inte ła seria da ła pì ezuberante Doris Schwartz, Montgomery MacNeil, intarpretà da Paul McCrane, e Ralph (Barry Miller), aspirante ator comico. I primi tre rołi inte'l telefilm i ze stà asenjà a novi atori, respetivamente a Erica Gimpel, Valerie Landsburg, P.R. Paul. El roło de sto ùltemo el desconparirà sensa spiegasion a partir da'l dizdotèzemo epizodio de ła prima serie e a ła so omosesuałità, prezente inte'l parsonazo de'l film no ghe ze nisun refarimento a l'interno de'l tełefilm. El parsonazo de Ralph el aparirà solche inte'l primo epizodio par desparir za da cueło sucesivo, cuando invese se aferma el parsonazo, non prezente inte'l film ma che'l restarà par tute łe sie stajon, de Danny Amatullo (Carlo Imperato), Altro parsonazo inedito respeto al film ze ła viołonsełista Julie Miller (Lori Singer). Ła profesoresa de łetare Sherwood, inte'l film Anne Meara, ła ze stà invese intarpretà inte'l serial da Carol Mayo Jenkins.

A ła serie ga partesipà numarozi parsonaji famozi de'l spetacoło che, inte l'anbito de ła vicenda sénega, i intarpretava picołi rołi sia come atori che par intarpretar se stesi, come Joan Baez, Brenda Vaccaro, Betty White, Carol Burnett, Milton Berle, William Forsythe, Ice-T e tanti altri.

Al provin par l'asenjasion de'l parsonazo de Doris, oltra a Valerie Landsburg A jera prezenti anca Jennifer Beals, ła protagonista de Flashdance, e Fran Drescher, che ła saria deventada famoza inte i ani novanta col tełefilm La tata, a cui ghe ze stà tutavia afidà un parsonazo segondario inte l'epizodio piłota de ła serie come una de łe studentese de ła scoła d'arte ma, che'l venjarà scansełà a partir da'l segondo epizodio. ga partesipà a ła sełesion del cast anca ła cantante Madonna, che ła ze stà scartà ma, che de łà a poco ła gavaria razonzesto granda fama. Carlo Imperato el ga contà che no'l vołeva intarpretar el roło de Danny, ma cuando che'l s'a prezentà al provin e n'altro tozo el se ga rifiutà de strénzerghe ła man, el ga capio che el gaveva asołutamente da aver cheła parte. Erica Gimpel (Coco Hernandez) ła zera drio frecuentar ła vera Scoła D'Arte de New York co ła ze stà notà e convocà par na parte inte'l tełefilm. Durante ła cuarta pontada entra a far parte del cast anca na zovane Janet Jackson inte'l roło de Cleo Hewitt, non oncora sciopada come cantante de gran suceso.

Remake e Reunion

Inte'l 1996 ze stà reałizà un remake, Saranno famosi a Los Angeles trazmetùo tra el 1997 e'l 1998 par 22 epizodi, anbientà a Los Angeles

El 27 de disenbre 2008 el ze stà trazmetesto so Channel 4, nonostante ła serie orizinałe ze stà trasmetesta in Inghiltera da ła BBC One un special tełevizivo intitołà Bring Back...Fame, co alcuni dei menbri orizinałi de ła serie.

Inte el majo 2019, oto menbri del cast, Lee Curreri, Erica Gimpel, Carlo Imperato, Valerie Landsburg, PR Paul, Cynthia Gibb, Jesse Borrego e Nia Peeples, i ga partesipà a ła reunion par i trentasincue ani de ła serie, ezibindose in do concerti a Liverpool. In concomitansa se ga dezvolzesta na convention de tre dì a ła cuała ga ciapà parte altri menbri del cast tra cui Carol Mayo Jenkins, Loretta Chandler e David Greenlee

DVD e dischi da ła serie

El 15 de majo 2007 A ze stà publegà anca in Itałia ła prima stajon de ła serie in DVD conprendente i primi 16 epizodi, sensa extra. A zenaro 2010 ła segonda stajon.

I protagonisti de łe prime stajon i ga insidesto alguni dischi co łe canson che apariva inte łe varie pontade. Eziste anca na serie de dischi in viniłe co łe canson de łe prime do stajon, de cuesti soło i àlbun The Kids from Fame e The Best of Fame ze stà stanpà anca in CD.

The Kids from Fame

1. Starmaker
2. I Can Do Anything Better Than You Can
3. I Still Believe In Me
4. Life Is a Celebration
5. Step Up to the Mike
6. Hi-Fidelity
7. We Got the Power to Be
8. It's Gonna Be a Long Night
9. Desdemona
10. Be My Music

The Kids from Fame - Again

1. Mannequin
2. Carnival
3. I Was Only Trying to Help
4. Alone In the Crowd
5. Your the Real Music
6. Sho Sho Sho Shorofsky
7. A Special Place
8. Do the Gimme That
9. It's Sonata Mozart (instrumental)
10. Come What May
11. The Show Must Go on

The Kids from Fame - Songs

1. Be Your Own Hero
2. Just Like You
3. There's a Train
4. Mannequin
5. Could We Be Magic Like You
6. Lay Back and Be Cool
7. Songs
8. Body Language
9. Beautiful Dreamer
10. Dancing Endlessly
11. Bet Your Life It's Me

The Kids from Fame Sing for You

1. Sing for You America
2. The Secret
3. Manhattan
4. The Story of Judy and Roy
5. Lucky Enough for Two
6. Better With a Friend
7. Shakin'
8. Electricity
9. Take That First Step
10. Mr. Cool
11. Face to Face
12. Wish Me Well

The Kids from Fame - Live

1. Body Language
2. Could We Be Magic Like You
3. Friday Night
4. Desdemona
5. Starmaker
6. Hi-Fidelity
7. Mannequin
8. Medley: A Special Place/It's Gonna Be a Long Night/I Still Believe In Me/The Secret/Be My Music
9. Life Is a Celebration
10. We Got the Power to Be
11. Fame

The Best of Fame

1. Starmaker
2. We Got the Power to Be
3. Rock 'N Roll World
4. Take That First Step
5. Body Language
6. Hi-Fidelity
7. Life Is a Celebration
8. Be Your Own Hero
9. Friday Night
10. Fame

Fame Rock 'N Roll World

1. Rock 'N Roll World
2. Mr. Cool
3. The Secret
4. Take That First Step
5. Better With a Friend
6. Shakin'
7. Electricity
8. Lucky Enough for Two
9. Face to Face
10. Sing for You America

Riconosimenti

Fame ła ga otenjesto 34 nomination ai premi Emmy e ghe n'a vinsesti 3. Se ga zudegà anca un Tełegato par ła Mejo serie tełeviziva.

Epizodi

Stajon	Epizodi	Prima TV USA	Prima TV Itałia
Prima stajon	16	1982	1983
Segonda stajon	23	1982-1983	1983-1984
Tersa stajon	24	1983-1984	1985-1986
Cuarta stajon	25	1984-1985	1986
Cuinta stajon	24	1985-1986	1987
Sesta stajon	24	1986-1987	1989

Parsonazi

Parsonazi prensipałi

Puti

• Bruno Martelli (stajon 1-3), interpretà da Lee Curreri.
  Conpozidor e pianista de gran tałento, el ze un studente de orizeni itałiane che, siben a volte el pose aparir tanto insicuro, vergognin e introverso (soratuto inte el raportarse col publego so ła sena), in vertù de ła so łealtà, sincerità e bontà d'ànemo, el ze partegołarmente apresà da l'intiero istituto, sia dai so amighi sia dai insegnanti; in pì, el ze eło che cura łe muzeghe e i testi par i brani o łe coreografie da raprezentar inte i vari spetacołi. El so sogno ze cueło de deventar un famozo muxicista, malgrado Bruno ło viva costantemente co ła strasiante paura del fałimento; sarà propio el profesor Benjamin Shorofsky, so mestro de muzega, co cui inisialmente el gavarà un raporto presoché radegozo, a trasmeterghe mazor seguresa in sé steso, fazendo emerzer inte'l tozo un inedito spirito de autocritica. So pare, el tasista Angelo Martelli, el ze asae protetetivo, nonché forte sostegnidor par ła cariera del fio, tanto da esar disposto a radopiar łe ore łaoradive pur de poderlo vedar come concertista.
  Inte ła tersa stajon, so pare de Bruno morirà de infarto e staltro, catandose da soło, el desidarà de sbandonar ła scoła. Ciò nonostante, el devegnerà cao-camariero in un łocałino de nome Caruso, łogo de ritrovo co i so amighi, restando, de conseguensa, uno dei protagonisti de ła serie.
• Coco Hernandez (stajon 1-3), interpretada da Erica Gimpel.
  Studentesa de orizeni portoregane, primeza del canto, inte el bało e inte ła recitasion, e ła ze una de łe arleve pì tałentuoze de l'istituto. Dal caratar forte e perseverante, par via de ła so conpetitività ła ama ponerse al sentro de l'atension e difisilmente ła se mostra arendevołe de fronte ai inprevisti o ła eztia inte el baterse par defender łe propie idee. In contrapozision a ciò, in tante situasion ła ga mostrà de esar na parsona amabiłe, zeneroza e dotà de granda umiltà, grasie a ła cuałe ła ze bona de reconoser i propi erori e de no tirarse indrio inte el domandar scuza, de frecuente trazéndoghene presiozi insegnamenti. Ła ze, anca, ła pì granda amiga de Bruno, e ła ze de frecuente èła a doverlo sufisientemente spontonar al fin che el tozo posa vinser łe propie insegurese. Pare che ła gabia na serta atrasion par Leroy Johnson, nonostante tałe sinpatia no ła vegna inprofondia inte ła serie.
  Afesionatisima a ła nona, co ła zonze a ła morte, ła toza ła reazise prima serandose in sé stesa, sbrasando provini e rołi da protagonista, ma presto ła se riprende e ła torna a esar ła sołita Coco. Inte ła tersa stajon, dopo aver catà łaor so na conpagnia de bało, ła abandona ła scoła par reałizar el so sogno : deventar na star.
• Danny Amatullo (stajon 1-6), intarpretà da Carlo Imperato.
  Zovane itało-meregan, el ze un studente de arte dramatega che el songna de deventar, in futuro, un comico de suceso. El esełe inte el canto e inte ła recitasion, ma a cauza de ła so gofarìa el ze totalmente negà par el bało, e a volte el se propone come un tozo pien de rabiesto oltre che sparagnafadighe, ma anca pronto a tender na man verso un amigo bizognozo; inte i momenti de sconforto, el ze uzo refugiarse inte l'amiga Doris.
  Provegentne da un cuartier malfamà de Brooklyn, el ze imerso in un contesto famejar conflituałe col pare, l'inpiegà Carmine Amatullo, che el se ga revełà poco portà inte l'asetar el fioło co ła cuałifega de ator comico. A ła fin, el padre mołarà de considarar cueła del fio come na infatuasion pasejera, e'l se dizarà un mucio orgojozo dei rezultadi conseguìi da Danny.
• Doris Schwartz (stajon 1-4), intarpretada da Valerie Landsburg.
  Anca èła studentesa de arte dramadega, ła ze na toza da łe indiscutìbiłi tałenti canori e da ła notevołe capasità intarpretadiva, asae altruista, iruente, spiritoza e a volte un fià casafati, ma comuncue senpre in prima łinea in defeza dei so vałori; propio grasie al suo spirito carizmadego e strasinante ła ze vista da tuti cofà un ponto de refarimento, un vero e propio leader senpre pronto ad ajutar i amighi del grupo. A volte ła ze tormentà dal so aspeto fizego che no senpre ła ghe piaze, e partanto ła se pol catar a ła reserca de diete de frecuente drasteghe. Come Barbra Streisand – de cui ła ze na grandisima fan – ła reconose de no èsar beła e de frecuente ła ło sotołinea ironizando.
  Ła ze de rełijon ebraega e ła gode de bona condision famejar, malgrado alcune diverzense tra so fradeło e so pare łe gabia constrezesto el primo ad andar via de caza, fato tanto patìo par Doris.
• Julie Miller (stajon 1-2), ła ze intarpretada da Lori Singer.
  Studentesa de muxica, ła ze na toza provegnente da na picoła sitadina del Texas, de beła siera e dai modi de sesto. El so cavało de bataja ze el Viołonseło, e'l so sogno el ze propio cueło de deventar na viołonsełista; ła serca l'inserimento inte el grupo non tanto come amiga, cuanto come muxicista inte i spetacołi teatrałi. I so zenitori i ze separai e ła serca in tuti i modi de ajutar ła mare e suparar ła crize post-divorsio, mentre col pare, inprenditor arichìo, ła ga un raporto difisiłe.
  A partir da ła tersa stajon Julie no ła conparirà altro parchè par che ła sipie tornà in Texas.

Linganbi foresti

• Fame (serie tełeviziva)Il mondo dei doppiatori, AntonioGenna.net.
• (EN) Fame (serie tełeviziva)Internet Movie Database, IMDb.com.
• (EN) Fame (serie tełeviziva)Rotten Tomatoes, Flixster Inc.
• (EN) Fame (serie tełeviziva)TV.com, CBS Interactive Inc.