Érik Comas

Érik Comas

Biografia
Nasimènto	28 de setenbre del 1963 (61 ani) Romans-sur-Isère (Fransa)
Atività
Ocupasion	piłota automobiłìstego, piłota de Fòrmuła 1
Spor	automobiłismo
Partisipante in
	24 Ore di Le Mans (it)

Érik Comas (Romans, 28 setenbre 1963) l'è on ex pilota automobilistego fransese de Formula 1.

Dopo aver vinto on canpionato de Formula 3000 inte el 1990, i lo ga torto a la Ligier, inte la qual l'è restà par un par d'ani. Dopo l'è pasà a la Larrousse co cui el ga corso inte el 1993 e 1994, ciapando de tanto un tanto qualche puntisin. L'è deentà famoso par ver ris-cià de provocar na carnefisina inte el Gran Premio de San Marin 1994. Piantà ai box da tri ziri par alcune noje tecnighe, l'è ripartì senza saver che la corsa la x'era blocada par l'incidente de Ayrton Senna. Rivà a la curva del Tamburelo, l'è stà bon de frenar in extremis evitando de investir i comisari de gara e i mezi d'emergensa che i se catava sul posto. Dopo 'sto incidente evitado par on sofio, Comas l'è stà sùbito squalifegà da la manifestasion, anca se lu, viste le terìbiłi conseguense de l'incidente de Senna (che do ani prima el gavea socorso dopo on spetacolar insidente in Belzo), el gavea zà deciso de so inisiativa de no prender mia parte al secondo via. Tra l'altro Comas el gavea in mente de laxar la Formula 1 subito dopo el week-end imolese, par dopo esar convinto da Gerard Larrousse a continuar fino a la fin de la stagion. Comas el ga serà el 1994 col Gran Premio del Giapon e inte el sucesivo Gran Premio de Australia el ga lasà la so machina al pilota svisero Jean-Denis Deletraz. Da de lora Comas el ga disputà solo conpetision co veture a rude cuerte, specializandose in particolar 'ntele gare Gran Turismo niponiche (JGTC) dove l'è deentà pilota ufizial Nissan. Par problemi de salute ghè tocà ridur la so atività, e deso Erik Comas el segue el fiol Anthony inpegnado 'ntele formule adestrative europee.

File:Erik Comas Ligier.jpg

Erik Comas ala guida de na Ligier inte el 1991

Year	Team	1	2	3	4	5	6	7	8	9	10	11	12	13	14	15	16	Team	WDC	Points
1991	Ligier	USA DNQ	BRA Ret	SMR 10	MON 10	CAN 8	MEX DNQ	FRA 11	GBR DNQ	GER Ret	HUN 10	BEL Ret	ITA 11	POR 11	ESP Ret	JPN Ret	AUS 18	Ligier	-	0
1992	Ligier	RSA 7	MEX 9	BRA Ret	ESP Ret	SMR 9	MON 10	CAN 6	FRA 5	GBR 8	GER 6	HUN Ret	BEL DNP	ITA Ret	POR Ret	JPN Ret	AUS Ret	Ligier	11th	4
1993	Larrousse	RSA Ret	BRA 10	EUR 9	SMR Ret	ESP 9	MON Ret	CAN 8	FRA 16	GBR Ret	GER Ret	HUN Ret	BEL Ret	ITA 6	POR 11	JPN Ret	AUS 12	Larrousse	20th	1
1994	Larrousse	BRA 9	PAC 6	SMR Ret	MON 10	ESP Ret	CAN Ret	FRA Ret	GBR Ret	GER 6	HUN 8	BEL Ret	ITA 8	POR Ret	EUR Ret	JPN 9	AUS	Larrousse	23rd	2

Ligamenti foresti

• Eric Comas/CRM sito ufizial Archivià il 5 de febraro 2012 in Internet Archive.