Parlamento Eoropeo

El logo del Parlamento Eoropeo fin al 2014

El Parlamento Eoropeo (conosuo anca come Europarlamento; uficialmente in latin: Parlamentum Europaeum) la xe l'ùgnola istitusion de l'Union eoropea ad esare eleta diretamente dai sitadini che i nomina a le elesion i partii pułìteghi eoropei.

L'emisiclo del Parlamento Eoropeo

Insieme col Consejo de l'Union Europea, la xe una de le do camare che exersita el potere legislativo ne l'Union. El svolge anca na funsion de controlo su l'operato de la Comision Eoropea, el elege el Presidente su proposta del Consejo Eoropeo e el aprova in bloco la Comision.

El Parlamento europeo el ga tre sedi: Bruxelles, Strasburgo e Lussemburgo.

Le otave elesion le xe stae el 22 al 25 maggio 2014.

Conplesivamente el ga 751 conponenti, divisi in proporzion tra i 28 stati menbri.

Dal 2017 el presidente xe el 'talian Antonio Tajani.

L'Asenblea parlamentare eoropea

Logo del Parlamento fin al 1983

El 19 de marso del 1958, dopo del tratà de Roma de l'ano prima, nase l'Asenblea parlamentare eoropea, sempre co sede a Strasburgo, ma slargada a 142 menbri ełeti co łe stese modałità de ła presedente Asenblea de ła CECA, par nomena da parte dei goerni nasionałi, tra i parlamentari de sascun paexe.

El 30 de marso del 1962 l'Asenblea la canbia nome in "Parlamento Eoropeo", che dal 1º de xenaro 1973 va su a 198 menbri par l'entrada de Danimarca, Regno Unio e Irlanda.

Łe ełesion a sufrajo universałe

El 20 de setenbre del 1976 el Consejo Eoropeo a Bruxelles, deside de rendare el Parlamento Eoropeo elexibile a sufrajo universałe direto, e cusì che no sia pì i parlamentari nasionałi a nominare i raprexentanti Eoropei.

El testo entra in funsion el 1º lulio 1978 e łe prime elesion le avien inte el zugno 1979.

I menbri de l'Eoroparlamento i pasarà dopo a 434 (1984), 518 (1989), 567 (1994), 626 (1995), 732 (2004), 782 (2007). Par el 2009 xe sta scursà el numaro dei menbri a 736, come scrito inte el Tratà de Nisa. Inte el 2012 i xe stai alsai da novo a 754. El tratà de Lisbona ghin prevarda 751 come scrito inte el art.14.

Co ła dichiarasion n.4 ligada al testo de Lisbona se dixe che "la carega in pì vien dà a l'Itałia" par tegnere la parità de careghe tra Itàlia e Regno Unio.

Grupi parlamentari

I eurodeputai i xe organixai in grupi parlamentari, conprexo cuelo dei no iscriti dedicà a chi che no se riconose in nesun dei grupi costituìi. Parché un grupo parlamentare el posa èsar reconosesto ocore almanco 25 deputai eleti in almanco un cuarto dei stati.

Sti grupi i laora sudivixi in 20 comision.

I do grupi pì grandi i xe cuełi del PPE e de S&D, che i ga dominà el Parlamento par gran parte de la so vita. Nisun singoło grupo ga mai vudo la majoransa asołuta.

VIII legisladura (2014-2019)

Eurogrupo		Sigla	MPE	Eoropartio	Sigla	MPE
	Partio Popołare Eoropeo	PPE	217	Partio Popołare Eoropeo	PPE	211
				No iscriti		6
	Aleansa Progresista dei Sociałisti e dei Democratisi	S&D	189	Partio del Sociałismo Eoropeo	PSE	181
				No iscriti		8
	Conservadori e Riformisti Eoropei	ECR	74	Aleansa dei Conservadori e Riformisti Eoropei	AECR	44
				Movimento Pułitego Cristian d'Eoropa	ECPM	2
				No iscriti		28
	Grupo de l'Aleansa dei Democratisi e dei Liberałi par l'Eoropa	ALDE	68	Partio de l'Aleansa dei Liberałi e dei Democratisi par l'Eoropa	ALDE	39
				Partio Democratego Eoropeo	PDE	10
				No iscriti		19
	Sanca Unitaria Eoropea/Sanca Verde Nordica	EUL/NGL	52	Partio de ła Sanca Eoropea	SE	23
				Aleansa de ła Sanca Verde Nordica	NGLA	2
				No iscriti		27
	Verdi Eoropei - Aleansa Libara Eoropea	V - EFA	51	Partio Verde Eoropeo	PVE	35
				Aleansa Libara Eoropea	ALE	6
				Aleansa de ła Sanca Verde Nordica	NGLA	1
				No iscriti		9
	Eoropa de ła Libartà e de ła Democrasia Direta	EFDD	42	Aleansa par la Democrasia Direta in Eoropa	ADDE	27
				No iscriti		15
	Eoropa de łe Nasion e de ła Libartà	ENF	40	Movimento par un'Eoropa de łe Nasion e de ła Libartà	MENL	30
				Aleansa Eoropea par la Libartà	EAF	4
				No iscriti		6
	No iscriti		18
Totałe			751

Collegamenti esterni

• Sito Uficio d'informazion del Parlamento europeo par l'Italiaeuroparl.it.

• Sito Istituzionale Parlamento Europeoeuroparl.europa.eu.

Varda anca

• Partio Popołare Eoropeo