El sigo

El sigo

"Skrik" ()
Sorte	gruppo di dipinti (it) e òpara de arte
Creator	Edvard Munch
Creasion
Movimento	espresionismo
Mezura	91 () × 73,5 () cm
Cołesion
	The Scream (en)
	The Scream (en)
	The Scream (en)
	The Scream (en)

El sigo, o anca El crio, el ze un sèłebre depento de Edvard Munch (tìtuło orìzenałe in norvezeze: Skrik).

Fazesto inte el 1893 su carton co ojo, ténpara e pasteło, cofà suceso par altre òpare de Munch el ze sta depenzesto in pì version; cueła piasada a ła Nasjonalgalleriet de Oslo ła ga dimension 91 x 73,5 sentìmetri.

Descrision

L'òpara ła ze un sìnboło de l'angùstia e del smarimento che i segna tuta ła vita del pitor norvejeze. La siena ła raprezenta un'esperiensa vera de ła vita de l'artista: co che el zera drio pasejare co dei amighi inte un ponte de ła sità de Nordstrand (oncó cuartiero de Oslo), el so ànemo el vegnea penetrà dal terore. Cusita ła descrive ła siena l'isteso Munch co racuante righe scriveste sul so diàrio co che el zera malà a Nisa:

I se difarénsia ciaramente inte el sfondo i du amighi che i se destànsia drio del ponte, istragni al terore che el angustiava ła so conpagno. Fintantoché ła boca sverta ła pare emétar dei soni che i stravolze el paezajo, co de łe linee curve, ma no ła strada, l'ùgnoła consejera e amiga de l'omo, testimoniansa de ła fredesa de serte persone. El muzo deformà el pare èsar un crànio; anca ła corpo el pare èsar privà de cołona vertebrałe.

La funsion comunegadiva primària individuada inte el depento traerso de ła letura de l'òpara ła ze espresiva. El dòparo del cołore e i visinamenti cromàteghi asociai a longhe spenełae tendeste a deformare i sojeti raprezentai i sujerise un stato emosionałe de angùstia. L'asociasion de łe linee ondułae co łe linee diagonałi ła crea un senso de dinamisità che el fa tension inte l'oservadore. el dòparo de ła luze el contribuise far descaenar inte l'oservatore un senso de inchietesa e drama de ła natura ponesto-ché el ghe confarise el senso de l'imediatesa de l'avegnimento raprezentà, colpindo ła figura prinsipałe da davanti cofà se ła fuse lumenada da ła luze de un flash. Anca ła conpozision dei ełementi costitusionałii del cuadro ła ze orientada a sotołinear l'aparensa espresiva de l'òpara metindo in rezalto el sojeto che el siga, destacàndoło dal sfondo traerso de ła trapozision de l'ełemento ponte.

L’artista el ne ofre el recordo, el scato de cuel momento par eło inspiegabilmente terifegante traerso dei so oci. El filtra ła realtà traerso del so stato de l'ànemo, el so sufrimento interior e ła paura. I cołori del tramonto i traersa ła so sensibiłità co viołensa, anemàndose de sanguenària intensità.

Sta vizion de Munch no ła va solché inte lezesta inte un pian introspetivo, ponesto-ché el połe èsar sta in parte un fenòmano naturałe veramente capità par colpa de l'erusion volcànega del Krakatoa che el ghea gavesto na potensa vedesta finmente da ła Norveja.

Ladrosìnio

El 31 de agosto 2006, ła polìsia norvejeze ła ga recuparà ła version ospitada al Museo Munch, de Oslo, che ła zera stada robada inte el 22 de agosto del 2004 co ła Madona de l'isteso autore. Se bè che anbedó i dipinzesti i fuse danejai da l'umidità, el diretore del muzeo de Munch, Ingebjørg Ydstie, el ghea declarà pusìbiłe el restauro. Conclundesto el restàuro, inte el 23 de majo del 2008 łe du òpare restaurae łe ze tornae in espozision inte el muzeo.

Altri projeti

Altri progetti

• Wikimedia Commons

• Wikimedia Commons el detien imàjini o altri file so El sigo
• el detien schemi gràfeghi so

Linganbi foresti

• (EN) Iain Zaczek, The Scream by MunchEnçiclopedia Britannica, Encyclopædia Britannica, Inc.