el Galepin

el Galepin el xe un galepin online, ativo dal 1997, che el fornise na tradusion vèneto-itałian e vèneto-inglexe. Inte el 2002 el xe sta anca publicà in CD-ROM, e inte el 2007 in version cartasea. Al dì de uncò el sito, inte ła so version gratis, el ga drento sirca 37 miła schède axornae al marso 2007. Łe paròłe in lengua vèneta łe xe scrite co na version rasionałixà de ła GVU.

Inte el 2007 el sito el xe sta renovà ciapando ła fixionomia che el ga deso. Inte el 2010 xe sta verto anca un blog par tegner axornai i letori so łe nove dal sito. Inte el steso ano xe sta verto anca un portal che el serve a rancurare i link ai vari siti in lengua vèneta che se cata in volta par el web.

Inte el setenbre 2010 xe sta ativà el Galepin Social (GS), version "social" del sito inte el cuało uno el pol iscrivarse e condividare contegnui. Inte el 2011 vien ativà el Galepin Premium (GP), version pì conpleta del Galepin (sirca 5 miła schède in pì rispeto a ła version normal) riservà a chi che sostien finansiariamente el sito pagando na cuota anuałe.

Dal 1 de Novenbre del 2015 el servisio del Galepin Premium el xe sospexo a titoło indefinìo, ma comuncue posìbiłe de partesipar par i utenti al Galepin Social (GS).

Ligamenti foresti