Edward Weston (chìmego)

Edward Weston
	; someja int'el 1890
Biografia
Nasimènto	9 de majo del 1850 ; Oswestry (Inghiltera) (it)
Mòrte	20 de agosto del 1936 (86 ani); Montclair (New Jersey) (it)
Atività
Ocupasion	chìmego, inventor
	(2006) National Inventors Hall of Fame (it) ; (1932) IEEE Lamme Medal (en) ; (1924) medaglia Franklin (it) ; (1915) medaglia Perkin (it) ; (1910) Elliott Cresson Medal (it) ;

Nato in Inghiltera, trasferìo pì tardi inte i Stati Unii, Weston xe ricordà par i so laori so ła galvanostegia, so łe cełe ełetrochimeghe (tra cui ła piła Weston) e so łe mixure ełetrighe. Xe stà anca un concorente de Thomas Edison inte ło sviłupo dell'industria de generasion e distribusion de ła corente ełetriga.

Biografia

Nato inte el 1850 da na faméja de comercianti, Weston gà studià medexina, ma, pian pian, se gà senpre pì avicinà ała chìmega. Gà dovùo emigrar inte i Stati Unii dopo el diploma in medexina, inte el 1870, e gà catà laoro inte el setór de ła galvanostegia, 'nddove se gà interesà de generasion de corente e gà inventà diversi xeneratori e dinamo. Dopo calche ano gà fondà co altri soci ła Weston Electric Light Company, a Newark, New Jersey, vinsendo anca na gara pà ła fornitura par inluminàre el ponte di Brooklyn.

Xe stà prexidente dell'American Institute of Electrical Engineers (Istituto Americàn dei Ingegneri Ełetrisi) dall'1888. Gà inventà do leghe metałiche, ła costantana e ła manganina, dopàrae oncora on cò pà łe mixure ełetrighe. Gà poi sviłupà strumenti de mixura de ła corente ełetrega e inte el 1888 el tacà a gestir ła Weston Electrical Instrument Corporation, che xe divegnùa famoxa inte el mondo par i voltmetri, anperometri, contatori, mixuratori de rexistensa e frequensa, trasformatori e traxdutori.

Gà catà un metodo par produre magneti permanenti, un tachimetro magnetico e l'anperometro sol cruscoto de łe Harley-Davidson. Gà brevetà ła piła Weston inte el 1893, na piła che ła xenera un voltagio pitosto stàbiłe inte el trascorare del tenpo, dopàra pà ła całibrasion in laboratorio dei voltmetri. El coeficiente de tenperadura xe ridoto grasie all'introdusion de un mecanixmo de nò saturasion, divegnùo ło stàndar moderno. Inte el 1911, cò che ła piła Weston xe divegnùa ło stàndar internasionałe pà ła forsa ełetromotrise, Weston gà rinuncià ałe so royalty de breveto.

Inte el 1936, Weston morì a Monclair inte el New Jersy, dopo 'ver registrà 334 breveti 'mericani.

Altri projeti

Wikimedia Commons el detien imàjini o altri file so Edward Weston (chìmego)
Scholia el detien schemi gràfeghi so Edward Weston (chìmego)

Controło de autorità	VIAF (EN) 11059450 · ISNI (EN) 0000 0000 1801 5615 · LCCN (EN) no2015073122 · GND (DE) 134232046 · BNF (FR) cb106956049 (data) · WorldCat Identities (EN) no2015-073122