Dogma

El termine dogma (o doma) doprà zeneralmente par indicar on prinsipio fondamentałe de na rełijon, o na convinsion formułà da fiłosofi e postà a ła base de ła so dotrina, da considerare e credere par vero, cuindi no sojeto a discusion da chi se considera on so sostenitore o fedełe. El termine el pol esere apłicà in tel senso łargo a regołe diferenti da cuełe rełijose.

Etimołozia

Ła paroła dogma ła vien dal greco δόγμα, dógma; che ła vien dal verbo δοκέω, dokéo del grego antigo.

Ła paroła δόγμα, dògma ła gà tri significai:

1 opinio, parere;

2 pensiero, dotrina fiłosofega; dotrina rełijoza;

3 decizion, zudisio , decreto.

Ł'espresion δόγμα ποιεῖσθαι, dógma poieisthai vol dire: dełiberare, pubłegare on decreto.

Ła xe sta chi ł'espresion che bisogna riferse cuando se parła de "dogma de Ceza". Se trata de on pronunsiamento de'l Papa o de on Conciłio in union col Papa, par stabiłir incisivamente na verità de fede, serte volte ojeto de precedenti discusion.

Dogmi de ła Ceza Catòłega

• 1 Unità e Trinità de Dio in Tre parsone Divine (Conciłio de Nicea, 325);
• 2 Jezù ze ła seconda Parsona Divina, incarnà, morto e resorto (Conciłio de Nicea, 325);
• 3 Maria ze Mare de Dio parchè Mare de Jezù che ze Dio (Conciłio de Efeso, 431);
• 4 Jexù Cristo xe vero Dio e vero omo (Conciłio de Efeso, 431);
• 5 Nascita Verxinałe (Conciłio de Costantinopołi II, 553);
• 6 Ezistensa del Purgatorio, Inferno e Paradizo (pa el Purgatorio Conciłio de Łion, 1274);
• 7 Transustansiasion (Presensa Real de Cristo inte ł'Eucarestia) (Matio 26:26 e simiłi; dogma confermà inte'l Conciłio de Trento 1545-1563);
• 8 Imacołada Concesion de Maria (Ensiclica de Papa Pio IX, 1854);
• 9 Infałibiłità papałe, quando parła ex cathedra inte materie de fede e costumi (Conciłio Vatican I, 1870)
• 10 Asunsion de Maria in anema e corpo (Costitusion apostołiga de Papa Pio XII, 1950).

Linganbi foresti

• (EN) Albert Cook Outler, doctrine and dogmaEnçiclopedia Britannica, Encyclopædia Britannica, Inc.
• (EN) doctrine and dogmaEnçiclopedia Britannica, Encyclopædia Britannica, Inc.
• (EN) Dogma, in Catholic Encyclopedia, Robert Appleton Company.

• (IT) Dògma in Treccanitreccani.it.
• el detien schemi gràfeghi so