Discusion Wikipedia:Sondaji/Scritura par vec.wiki
@GatoSelvadego, Vajotwo, e Fierodelveneto]
Ciao, podè axornar li risultati de el sondajo? Grasie. --Ciaurlec (msj) 11:13, 18 maj 2020 (CEST)
@Fierodelveneto]- Sì, tra l'altro, i voti favorevoli i xe 2, ghe xe 1 contrario e 3 astegnù: no me pare che se posa dire che sia stà ragiunto un consenso (no so però se bastava solo la magioransa e se el sondajo sia vincolante). Ciao --Davy1509 (msj) 11:26, 18 maj 2020 (CEST)
Bon dì a tuti. No, deso gavì n'atimo da farme capir. Ghe xe 2 sì (intrà sti cuà anca el mio), che ghemo racuante contribusion stabiłi drento a sta Wiki, ghe xe on contrario che el ga faxesto 49 canbi in tel łaso de tenpo de 5 dì (cuasi tuti in te ła istesa voxe) e dopo el xe spario, e mi conto on soło astegnesto, Davy1509, che el ga scrivesto mi me astegno. El sondajo el xe durà na stimana, ło go slongà de altre racuante ore (par ła preçixion 2 ore e 21 minuti) in manjiera che chi che no ghese votà el podese oncora farlo (cofà el caxo de conky che el ghea comentà ma no el ghea declarà ła so poxision. Ełora, mi deso vuria capir.. i sondaji gai na fin? No ghe xe nisuna pàjina che regołamentee i sondaji, da nisuna parte ghe xe scrivesto de cuanto che ła xe ła fin (ma el costumar el xe cheło de scrìvarlo in tel inçipit, cofà chel che go faxesto).. bastaria dirlo, se połe votar anca dopo ła fin? Półeo èsar considerà on voto de on contribudor che el ga faxesto 49modìfeghe in 5 dì (el 90% in te ła istesa pàjina) e che dopo el xe spario? Feme saver vu'altri a sto ponto, parché a mi me sa che cuà łe regołe e i costumi i va ben par calcheduni ma mija par tuti. Me fa stragno che dopo na stimana che sìpia stà el ingrumo de voti in tel finałe. Calcosa no funsiona. --ꜰɪᴇʀᴏᴅᴇʟᴠᴇɴᴇᴛᴏ (Scrivame) - (Projeti) - (Statìsteghe) 11:49, 18 maj 2020 (CEST)
- Ciao e bona jornata anca a ti e grasie par la risposta. Beh sul fato che no ghe fuse de le regolamentasion te ghe raxon: in efeti no gera stà né stabilia 'na percentuale minima par decretare l'aprovasion; e infati no ghe gera gnanca de le regole restritive su chi che gavese el dirito de voto. No ghe gera gnanca un orario de fine (ma solo la data del 17) e ieri go visto che Vajotwo lo gaveva prolungà de 'na setimana (poso supore proprio par el fato che no ghe fuse un largo consenso: de solito se fa cuxì ne le varie discusion), ma dopo 'vendo probabilmente visto che te gavevi xà meso i rixultati, lo ga considerà sarà.
Dopo, mi go decixo de votare in ultima par pensarghe sora (anca se gero xà orientà verso l'astension); altri pol darsi che i lo gapia fato parché no i gaveva gnancora visto el sondajo.
Mi credo che comuncue el rixultato el gapia da èsere da spunto par fare de le considerasion e no credo che 'l gapia xà da èsere vincolante (vista anca l'indecixion generale). Ciao --Davy1509 (msj) 12:11, 18 maj 2020 (CEST)- @Davy1509]
Tuti i sondaji i ga on caràtero "vincołante", parché i serve a tegner consenso, e a mi me par che el ghe sìpia sta, vedesto e controłà i contributi utente e łe votasion daxeste. Na olta che on sondajo el xe sarà, no se połe altro votar, xe on costumar che cuà rento el se ga senpre vuo (basta vardar łe pàjine de sondaji veci) e l'astension de fato, no el połe èsar on caràtero de "łimitasion" (pì che no el sìpia prevedeso da regołamento) a chi che ga votà ciaramente e i ga daxesto na ligna ciara e preçixa verso andove ndar. Restando in tel tema, on astegnesto gało da èsar considarà on sinònemo de "contrario"? Se cusita fuse, el sondajo el saria netamente de minoransa e de conseguensa perdesto, ma cusicome che astegnesto el xe on "mi no voto, no me intaresa, faxì vu'altri" ełora no se połe dir che l'astension ła sìpia na contrarietà.... Astegner deriva da abstinere che vol dir tegnerse distanti, evitar o no vołer partesipar. Al segnifegar de łe parołe se se apeła in mancansa de regołamento e ła conotasion "astegnerse cofà tiro de protesta", anca sta cuà ła xe daxesta da on regołamento che prevardee el quorum. PS. a go vedesto dopo i canbi che te ghè fato al comento. De sołito se deside de ndar via sondajo, co na discusion no ła xe rivada a on fin. El saria paradosałe tornar a na discusion tolto in considerasion sto ceo partegołare, parché signifegaria tornar indrio so on tema fondamentałe par dopo pèrdarlo e riscumisiar da cao. Mi no ghe tegno. --ꜰɪᴇʀᴏᴅᴇʟᴠᴇɴᴇᴛᴏ (Scrivame) - (Projeti) - (Statìsteghe) 12:32, 18 maj 2020 (CEST)
- Ciao e grasie par la spiegasion. Lasando da parte el rixultato, vojo precixare i motivi de l'astension. Come che te dixi anca ti, i motivi de 'na astension i pole èsere i pì disparà.
Secondo mi, astenerse no vol dire mancansa de interese (altrimenti uno no gavaria gnanca votà), ma senplicemente che uno no se la sente de dare un'opinion in un senso o ne l'altro.
E, infati, ghe xe stà dà 'na motivasion, sia da parte mia che da parte de Ciaurlec (el ga dito lu steso che la xe pì o meno la stesa), de i motivi de l'astension e la motivasion la stà nel fato che, come in tute le proposte ghe xe i pro e i contro. In 'sto caxo el dubio el verte su le dificoltà de riusire métere in pràtica la convension: se dèso faxesimo 'na spècie "sondajo" su cuanti utenti se rendaria disponibili a corejere intere pagine scrite co altre convension, come che te go xà dito, no so cuanti che se la sentiria de dare la propria disponibilità (se trata de dover corejere a man intere pagine).
In tal senso, se decidemo de adotare la GVU, secondo, senpre che se posa fare, lancio 'na mexa proposta: se podaria p. es. inserire, come che ghe xe su Word, un sistema de sostitusion de le létere (coxì, par ogni testo, se gavaria da scrivere solo la létera da sostituire e vegnaria fato su ogni parola); però ghe saria comuncue senpre un bel po' de pagine da ricontrolare. Dopo, come ghe go xà dito, me pare anca bòna la to idea su la posibilità de poder léxere le vosi in pì varianse (se te dixi che la xe fatibile). Ciao --Davy1509 (msj) 15:10, 18 maj 2020 (CEST)- @Davy1509]
Grasie de ła resposta. Sì, ovio che l'astension no ła xe mancansa de intarese, mi go sołamente dixesto tuti i signifegari che ga cheła paroła, in manjiera da argomentar ła me poxision. In tal senso, se crearà na pàjina andove se spiegarà tute łe manjiere par poder scrìvare, in tute łe variante vènete purché co ła istesa grafia. El xe totalmente fatibiłe e na pàjina andove esplegar el tuto, jutarà capir come scrìvare. El tore na scritura e dir "cheła łà ła xe" no segnìfega métare in croxe uno se el sbaja, ma se ghe jutarà a farghe capir come scrìvare in manjiera che se posa capir da Venesia a Bełun e da rovigo finmente trento. Pì che altro, torse na scritura unxoła, el xe ła soła manjiera par far funsionar anca el gadget che so drio testar, o sia cheło che trasformarà on testo da na variansa a n'altro, no par creasion de altre pàjine scriveste difarentemente, ma par sénplega modìfega prestabilia de parołe e łétare. Se xe scrivesto tuto difarentemente, sta roba no ła funsionarà. Ła ghe xe anca in te łe altre Wiki, par exenpio so ang.wiki e altre.O se fa o se vołì ndar vanti in tel caxin, mi no ghe stago altro. Tuto cuà. O se fa i seri, o 20.000 scriture difarenti, fa soło che caxini. --ꜰɪᴇʀᴏᴅᴇʟᴠᴇɴᴇᴛᴏ (Scrivame) - (Projeti) - (Statìsteghe) 20:06, 18 maj 2020 (CEST)
ora[canbia el còdaxe]
ma jera signà da calche parte la ora de fine de le votasion? --Ciaurlec (msj) 13:00, 18 maj 2020 (CEST)
- Sołitamente se on sondajo el taca a na ora, el finise dopo 7 dì a cheła istesa ora.. Ła xe ła durada dei 7 dì. Un dì esendo faxesto da 24 ore, evidentemente el jera cheło łà el orario. Almanco vardando tuti chełi altri sondaji ła xe sta cuà ła solfa. --ꜰɪᴇʀᴏᴅᴇʟᴠᴇɴᴇᴛᴏ (Scrivame) - (Projeti) - (Statìsteghe) 13:39, 18 maj 2020 (CEST)
A parte el fato che no ti me ga rispondesto (no no ghe jera scrito da nisuna parte la scadensa) e che in sta maniera ti obligaresi tuti i utenti interesai a controlar la data de publicasion de el sondajo. A parte el fato che comuncue no canbiaria el risultà. A parte el fato che se gaveva xa votà so 'na roba conpagna poche setimane fa. A parte che 'na desixion de sta sorta tolta inportante tolta da do parsone la fa comuncue pensar. A parte el fato che in tute le votasion de sto mondo xe bona creansa che chi che propone 'na roba de no esprimarse diretmanete inte la votasion lasando libartà de sielta... E sensa trascurar chelo dito sora anca anca da Davy1509 so la colaborasion: ma ti xe veramente drio far sul serio a eser cusì pignolo so le "regole", parchè ghe ne saria da robe da puntualixar in propoxito...?Dite ste do robete, go comuncue caro che se prove a doparar 'na grafia ugnola/unxola; so sicuro che par modeli, titoli e rimandi podaria jutar tanto
, podemo comuncue provarghe, e int'el caxo provar a sistemar el tiro. Da ultimo se ti vedi che no scrivo pì co le "ł" e faso caxoto co le "ç", dipende senpre da i canbi fati so el editor testi calche setimana fa... (miga do ore fa), co tanto de discusion senpre verta, roba che no la xe stada ne ripristenada in tuti i namespace, ma gnanca lasada ativa da partuto co la jera stada propognesta: xe restà un smisioto, pecà... 
--Ciaurlec (msj) 22:52, 18 maj 2020 (CEST)
- @Ciaurlec]
El contestuałixamento in te ła pàjina del sondajo el parea de òblego.. anca parché sensa de cheło ła domanda no ła garia vesto senso. Ła łibartà ła me par fondamentałe, di fati credo de no ver dixesto a nisuni cosa votare, mi go dato de łe indicasion che tuti cuanti połe dar in baxe de łe propie convinsion. Mi so sołamente che on sbrodego el xe on sbrodego.. e intrà on sbrodego e na ençiclopedia a ghe xe na vałada in mexo!! Mi vedo che ti te si drio scrìvar ben e credo che no te gàpia studià pì de tanto par poderlo fare.. a te ghè sołamente łexesto łe ciacołe che ghemo faxesto. Par canbiar łe scursarołe da botonjera, ghe vołe tenpo, parché no łe vien canbiae suito e no dipende dai admin ma dai piani alti che i ga lori i parmesi par farlo. Me fa piaxere che te gàpia scumisià a doparar i muxeti. Dita sta roba, ugnoła e unxoła ła połe èsar scrivesto conpagno, cofà gioco e giuoco in italian. No ła va a łimitar łe parołe ma ła va jutar ła łetura. E sì, me so drio pontar tanto so łe règołe, sto sta règoła in tel partegołare, parché ła xe de fondamento. No te połi far sù na caxa se manca fondamente stabiłi, isteso par na ençiclopedia. De seguro no me inponto so łe castronae. --ꜰɪᴇʀᴏᴅᴇʟᴠᴇɴᴇᴛᴏ (Scrivame) - (Projeti) - (Statìsteghe) 23:17, 18 maj 2020 (CEST)
- Trancuiło, so dacordo co tuto. Grasie par ła risposta. --Ciaurlec (msj) 00:11, 19 maj 2020 (CEST)