Wikipedia:Sondaji/Scritura par vec.wiki

Caraterìsteghe

Proponesto da: Fierodelveneto

Resunto del propoxidor: A ła xe na granda nesesità cheła de dar na regoła ciara e sénplega so ła scritura in vec.wiki! Ła doparasion de sta sorte de scritura, no ła va a descriminar nisuni, parché no ła esclude nisuni, ansi, juta a capir mejo tute łe varianse. A me parer ła xe ła "ultima spiaja".

Durata: el scumisia el 10 de majo e termina el 17 de majo 2020.

Descrision: El rexultà de el sondajo, el ndarà a afermar che el tipo de scritura detegnesto in te ła majoransa de łe pàjine el xe cheło "standar" da doparar par na mejor conprension de chel che vien scrivesto.

Calche exenpio: Cavało, Xente, Sento, Ris-cio, Cunicio/Conejo, Punaro/Puner, Métare, Fis-cioto/Fis-ciot', Xugo/Xuch', Fongo/Fonch', Pàjina, Astrołoxia, sensa doparar altre łétare istragne e doparando i asenti! Sto sondajo no el ndarà a métar restrision a łe varianse, ma a doparar el isteso modo de scritura.

Come xe che se vota: Firmando soto al titoło che se ritien justo.

Sondajo

Sito de acordo de doparar ła GVU cofà unjoła manjiera par scrìvare in vec.wiki ranxàndoła par na scritura pì unitaria? (Tegner conto de chel che xe scrivesto in te ła descrision)

Votasion

Favorevołe

1. ꜰɪᴇʀᴏᴅᴇʟᴠᴇɴᴇᴛᴏ (Scrivame) - (Projeti) - (Statìsteghe)
2. --- Vajotwoposta 20:49, 10 maj 2020 (CEST)
3. ...

Contrario

1. L'Enciclopedaio (msj) 15:50, 12 maj 2020 (CEST) La GVU la ga tanti de quei problemi, che li se pol riassumar come na risposta a na domanda sbajada. La GVU la se domanda "come el scrivaria en veneto uno che el parla italian?" elora la risponde con soluzioni inutili, stragne o descomode. A esempio la ele tajada, parché la ele la se pronunza senpre evanessente, fora che co la xe vicin na consonante. Però un italian, che el pronunzaria sempre [l] el ga bisogno de inventarse un segno par "ricordarse" come che se pronunza. Al stesso modo el se vol doparar un segno "s-c" par "ricordar" che el sono el xe diverso dal "sc" italian. No el ga senso. Saria come scrivar en spagnol "mag-nifico" parché el "gn" spagnol no el se pronunza come el "gn" italian. En veneto no esiste el sono "sc" come en italian quindi no ghe xe nissun motivo de metar un tratino inframezo. Quel fonema el esiste solo en parlade ladine o parzialmente ladine, che le fa parte de na lengua difarente che la gavarà bisogno de n'alfabeto difarente. E cussì li ga tirà fora un numaro assurdo de letare doparabili a seconda de la varianza, quando che el bastava catar poche letare che poi ogniuni pronunzava a seconda de le varianze. La domanda la gavaria dovuo essar "come el se pol scrivar na lengua indipendente co na grafia indipendente?". A ogni modo, penso che sto sondajo no el se possa ritegner valido, vista la scarsissima partecipazion, poiché una de le regole par la aplicazion de le proposte dei sondaji inte wikipedia la xe la ampia partecipazion.

Ma i Vèneti infati no i ga da dimandarse come che on Italian el połe scrìvar el Vèneto. Se se ga da dimandar come on Vèneto połe scrìvare el Vèneto, storia totalmente difarente. Te invito a no crear altro pàjine co scrite: "soluzioni". Sto cuà el xe soło e sołamente che Italian. --ꜰɪᴇʀᴏᴅᴇʟᴠᴇɴᴇᴛᴏ (Scrivame) - (Projeti) - (Statìsteghe) 20:44, 22 maj 2020 (CEST)

Mi voria mantegner i toni educai, ghe provarò ma me par che no te capissi, xe chiaro (pronunzà come en italian "ciaro") che ghe xe sta qualche fraintindimento. Mi go dito che chi che el gà fato la GVU, eroneamente, el se ga pognesto na domanda sbajada, ti te gà capio tuto el contrario. "Soluzioni" no xe solo che italian, xe anca veneto. Solo che en italian el se pronunza [solu'tsjoni], en veneto se pronunza [solu'sjoni] o en altre magnere a seconda de la varianza. La to intoleranza verso tute le altre grafie, tra cui quele istoreghe, la te fa capir male le robe. Ora scolteme ben, me racomando. Te par lozego che se doperi el segno "s-c"? En veneto no l'esiste el fonema "sc" del italian "scimmia", quindi che senso ga tirar fora un tratin?! Ugual par la ł, en veneto la ele intra do vocale xe SENPRE evanessente (fora che en alcune varianze dove no la xe MAI) quindi no ga senso inventarse na letera en pi. Questo perche la GVU la xe scrita come un italian scrivaria en veneto, overo evitando tuti i fraintindimenti co la so lengua, el caso de "s-c" el xe el esenpio pi eclatante.

se],

Astegnesto

1. La GVU la me senbra 'na bòna solusion (dopo bixognaria però vèdare cuali tra i tanti caràteri vegnaria utilixà), però go decixo de astegnrme, parché secondo mi la podaria sì 'ndar ben par i titoli, ma se volesimo anca estenderla ai testi, dovarisimo anca domandarse chi che dopo se ciaparia in carico de corègere i testi xà scriti o che sarà scriti (specie da utenti de pasajo) co altre convension (tràmite bot credo che saria fadiga farlo); cuindi bixognaria pensare anca a 'na linea programàtica in tal senso, che tegna anca conto de l'exiguo nr. de utenti ativi e del tenpo che i pole dedicarghe a vec.wiki --Davy1509 (msj) 16:16, 17 maj 2020 (CEST)

@Davy1509]

A go senpre daxesto na inpienia e granda disponibiłità par farlo e te vedarè deso che beła idea che go.. pena che cato ła manjiera ła meto in pràtega cofà tute łe altre robe che gheo dixesto de far e dopo go fato. --ꜰɪᴇʀᴏᴅᴇʟᴠᴇɴᴇᴛᴏ (Scrivame) - (Projeti) - (Statìsteghe) 16:26, 17 maj 2020 (CEST)

@Fierodelveneto]

Grasie par la disponibilità, però me no credo che sia gnanca giusto che te gapi da sobarcarte tuto ti el lavoro che eventualmente ghe saria da fare.
Dopo, secondo mi, xe senpre mejo che faxemo un pasetin a la volta prima de canbiare masa ròbe in poco tenpo. Ciao --Davy1509 (msj) 16:57, 17 maj 2020 (CEST)

@Davy1509]

Grasie cofà senpre de ła pontuałe resposta. No, no ghe sarà problemi.. parché go in ła mente na roba nova.. che ła autocorexe łe robe e che dopo se połe deçìdare se vederla in Vèneto sentrałe, premieroto, bełumato, drita-sanca piave eçe. Deso pena che ła femo, te vedarè come che vegnarà fora ben. Łe pàjine łe se scrive in sta manjiera cuà, dopo ghe xe i vari modi de vixuałixasion che corivamente łe vegnarà fora. Semo a 40.000 pàjine, ła prospetiva momentagna ła xe "59.000" a łaoro conpìo, ovio che se dopo ghe fuse ła disponibiłità el prosimo paso el ne porta a 80.000 e se ła continuase oncora, se rivaria a 100.000 - 200.000. Finmente deso a go tuto sotocontroło, finmente el ùltemo partegołar, deso parò se ga da tacar métarse tuti cuanti insieme e tuti cuanti laorar cofà on soło omo, canbiando ogni stimana argomento, e canbiando senpre slarghemo i temi cuà rento. Prima ghemo da far na pàjina co tute łe voxe fondamentałi par argomento e dopo ghemo da profondir tuto cuanto. No el sarà on laoro difìsiłe, fìdate. On łaoro el xe stresante, łongo e difìsiłe soło co se xe da sołi e no se ga na prospetiva!! Ma ła prospetiva xà ła garìsimo da verla tuti e se no ła ghemo njioncora tuti, ła femo sù! Semo drio crésar e xe el momento de métarse de pì tuti cuanti. Sta crésita ła garia da èsar de juto e de incorajamento a tuti!! On grando strucoto!!--ꜰɪᴇʀᴏᴅᴇʟᴠᴇɴᴇᴛᴏ (Scrivame) - (Projeti) - (Statìsteghe) 19:15, 17 maj 2020 (CEST) 

@Fierodelveneto]

Ciao e grasie a ti. Cuelo de poder vèdere 'na pagina scrita in pì varianse, se el xe fatìbile, me pare 'na bona idea. Par el resto, riguardo al coinvolgimento dei utenti, dovimo senpre tigner conto che su Wikipedia se xe tuti volontari e ognuno el dà la propria dispondibilità d de tenpo secondo le proprie disponibilità (no ghe xe oviamente nesuno obligo de èsere prexenti tuti i giorni o tute le setimane, ecc.) --Davy1509 (msj) 20:09, 17 maj 2020 (CEST)

@Davy1509]

óvio, ma se połe dimandar na major partesipasion. Dimandar no el xe mai on małe. Ma el xe on laoro che el połe trancuiłamente èsar spartio in tel tenpo, de conseguensa no ghe xe mija problemi--ꜰɪᴇʀᴏᴅᴇʟᴠᴇɴᴇᴛᴏ (Scrivame) - (Projeti) - (Statìsteghe) 20:16, 17 maj 2020 (CEST)

1. A mi no me xe mìa ciaro cosa se vole co sto sondajo. Xe mejo votare so na spesifica grafia e spiegare cuali che i saria i caratari strani che no se voria uxare. El sondajo el xe utile se se risponde sì e no e xe çaro cosa vol dire sì e no. --Conky77 (msj) 19:26, 17 maj 2020 (CEST)

@Conky77]

Ciao, a go faxesto dei exenpi sora de ła dimanda--ꜰɪᴇʀᴏᴅᴇʟᴠᴇɴᴇᴛᴏ (Scrivame) - (Projeti) - (Statìsteghe) 19:38, 17 maj 2020 (CEST)

@Fierodelveneto]

ciao li go visti i exenpi de le robe corete, ma no ghe xe i esenpi de le robe che no naria ben. Lora no go capìo se xe en discusion l'alfabeto, la grafia, la variansa o cosa... o tuto cuanto. Se xe vole mantegnere solo l'alfabeto latino e la l-sbarà, ghe xe cualche variansa che no se poderìa pì scrivare? Es.  

Vuto solo aplicare cuanto scrito so Juto:Convension_de_scritura o vuto propore na revision de el documento? Se si, en che modo?

Opure el sondajo xe solo par capire se ghe xe la volontà de verxere na discusion pì tecnica? --Conky77 (msj) 21:57, 17 maj 2020 (CEST)

1. --Ciaurlec (msj) 22:40, 17 maj 2020 (CEST) Anca mi me astegno par le istese oservasion fate da Davy1509, in parte discudeste anca in Ajornamento 2020-scopi, par el momento me pararia xa un bon rexultà doparar 'na grafia unifegada par titoli, modeli e robe de xestion, desidendo solo int'un secondo momento par el testo de le voxe. --Ciaurlec (msj)
2. ...

Rexultai

Favorevołi	Contari	Astenui	Totałe voti
2	1	1	4
Ła proposta ła xe sta ciapada forevolmente!