Discusion Wikipedia:Voxe nostrane che tute le wiki dovaria ver

Verxo sta discusion par definir un elenco de voxe rivardanti i teritori venetofoni, la storia local e i personaji ilustri che xe visui (o che vive anca deso) inte sti teritori. Sto elenco in formasion el gavaria da servir prima de tuto a noaltri par sistemar al mèjo le voxe che ghe finise (che tante diritura no le ghemo). Po, na volta che ghemo sistemà un fià, me piaxarìa propor un concorso so Meta co ƚe altre wiki "regionaƚi" eoropee... Se tratarà de na roba tipo: ghe sarìa ste voxe, vedemo in TOT tenpo cuante che riusì scrivarghine par ben. I utenti pì ativi i ciaparà na barnstar (che no podaremo che ciamar "oxeƚa"). El progeto che a nostro giudisio el farà mejo el otien el dirito de èsar el sucesivo a propor na so lista de voxe.

Cosa ghi n' penseo?--GatoSelvadego (msj) 14:51, 23 maj 2016 (CEST)

Ciao! Me senbra 'na bona idea, sopratuto l'elenco. Sul concorso, no so se 'l sia fatìbiƚe, specie qua da noialtri, dove le "forse in campo" le xe poche. Intanto go xontà qualcosa inte l'elenco. Ciao --Davy1509 (msj) 11:31, 24 maj 2016 (CEST)

Se voree fà quajcòss con la lmowiki ghe semm ;) --Sciking (msj) 02:43, 25 maj 2016 (CEST)

@Davy1509: noaltri sarisimo cueƚi che propone el concorso (che 'l sarìa na evoƚusion de cueƚo che gheva proposto i gaƚisiani tenpo indrio, dato che là el jera un contest che finiva, cuesto invese xe na caena de Sant'Antonio, parché la wiki che vinsarà ƚa proporà ƚe so vinti voxe e vanti cusì), i partesipanti sarìa cueƚi de chealtre wiki, donca el problema che semo in pochi no'l ghe sarìa. Serto na volta finìo el primo turno gavaremo da metarse a scrivare ƚe voxe proposte da ƚa wiki che vinsarà, ma anca se no vinsaremo pì no xe un problema... vorà dire che puntaremo a ciapar de ƚe barnstar individuaƚi.

@Sciking: Pensavo pì che a na roba tipo ƚa coƚaborasion gaƚisiana-lonbarda a na roba come cueƚ che te spiegavo tenpo indrìo (concorso multi-wiki, chi vinse xe el prosimo a propor la so lista de voxe). D'ogni modo te tegno informà.--GatoSelvadego (msj) 20:04, 25 maj 2016 (CEST)

O.K. Grasie par la risposta. Ciao --Davy1509 (msj) 20:09, 25 maj 2016 (CEST)
P.S.: L'unica roba che me domandavo gera se i utenti de ƚe wiki regionaƚi straniere i riesa a capire i titoƚi dei argomenti. Ciao. --Davy1509 (msj) 20:15, 25 maj 2016 (CEST)

I tìtoƚi de i argomenti? Noaltri faremo na tabèƚa (so Meta) co na lista de vinti voxe (e co tot voxe de riserva par chi che le ga xà), co link a la voxe nostra e link a wikidata e/o a cueƚa in inglexe.--GatoSelvadego (msj) 20:27, 25 maj 2016 (CEST)

Meto el link al concorso gaƚisian, cusì podì farve mèjo na idea. L'ùgnoƚa novità, rispeto a cueƚo, ƚa sarìa che oltre a i premi individuaƚi ghe sarà anca cueƚo a ƚa wiki (cueƚa che vinse ga dirito a propor vinti voxe sue, e vanti cusì).--GatoSelvadego (msj) 10:39, 26 maj 2016 (CEST)

O.K., grasie par la risposta. Ciao --Davy1509 (msj) 11:27, 26 maj 2016 (CEST)

Le voxe da metar in elenco

Par deso so drio metarle come che me vien inamente. Po sarà da far na seƚesion e definir de ƚe priorità (pa'l contest credo che servirà na ventina de voxe, no de pì). Se ve vien inamente calcosa xontè pure.--GatoSelvadego (msj) 17:37, 23 maj 2016 (CEST)

Ciao! Ghe saria da xontare anca i grupi muxicaƚi vèneti. Dove li metemo? Soto Biografie/Cantanti? Ciao --Davy1509 (msj) 11:29, 25 maj 2016 (CEST)

Dirìa de si. Te ghe fato ben a xontar anca atori e personaji TV, anca se penso che no i finirà inte ƚa prima lista de vinti voxe ad alta priorità. Pensavo a 4 voxe de giografia, 4 de storia, 4 de arte/architetura, 4 de costumanse/tradision/varie e 4 biografie (che penso sia obligatorio metare: Palladio, Vivaldi, Goldoni, Tizian).--GatoSelvadego (msj) 20:04, 25 maj 2016 (CEST)

Ah va ben. Ciao. Mi intanto meto queƚo che me vien in mente. Dopo vedi ti. Ciao --Davy1509 (msj) 20:09, 25 maj 2016 (CEST)

No go mia de desidare mi, ghemo da desidare tuti insieme. Anca mi so drìo metarle drioman, prima te me ghe conflità...--GatoSelvadego (msj) 20:27, 25 maj 2016 (CEST)

Oh, scusame. Oviamente no podevo mia saverlo che geri drio editare anca ti. Ciao --Davy1509 (msj) 11:28, 26 maj 2016 (CEST)

De gnente, xe normaƚe co se laora so na stesa pàgina. Mèjo laorar sesion par sesion, cusì xe manco probabiƚe. PS: ghemo da catarghe un posto anca par scuadre sportive, dite...--GatoSelvadego (msj) 12:01, 26 maj 2016 (CEST)

Me par che ƚa sesion Biografie ƚa sia drio vegner un fià masa longa. Penso de crear pa' ogni projeto teritoriaƚe na lista de biografie de personaji decixamente ensiclopedisi. Da là, po, se tirarà fora i prinsipaƚi par metarli so ƚa pàgina proposte. El resto del elenco el servirà come riferimento par vedare le voxe che manca. Magari pì vanti farò la stesa roba pa' chealtre categorie (giografia, arte, cuxina...)--GatoSelvadego (msj) 17:19, 29 maj 2016 (CEST)

Ciao! Sì, diria che l'elenco intiero el posa servirne come riferimento par noaltri. Ciao --Davy1509 (msj) 20:38, 30 maj 2016 (CEST)