Discusion:Posagno

Lengua

Go proà sistemar cueło che gheva scrito el anonemo ma ghe xe na roba che no capiso, come fała ła ele del clitego a deventar evanesente se presedua da na A? Me par mi che in chei caxi no ghe vaga gnanca el clitego, dato che credo che se intenda "ła xe cuà - ła é cuà" e "ła xe łà - ła é łà". Probabilmente el anonemo el gheva scrito che ła deventa evanesente parché prima el gheva scrito che el vèrbo el xe le, cuando che invese se trata de un clitego + vèrbo (pròpio come "el xe") e donca el va scrito 'l é (o l'é, al feminiłe), e no tuto tacà... donca credendo che sto "le" el sia un vèrbo e no sentendo ła ele in cheła fraxe el ga pensà che in chel caxo ła deventa evanesente...--GatoSelvadego (msj) 19:04, 28 zen 2014 (CET)

Posagno o Posagn

Mi digo Posagno ma credo che i locałi i diga Posagn (visto anca che i parla na variansa che se avisina al feltrin-belumat), donca saria da spostar a Posagn pena che calche local el ne ło conferma.--GatoSelvadego (msj) 19:06, 28 zen 2014 (CET)