Dino Coltro

Da Wikipedia, l'ençiclopedia libara.
Jump to navigation Jump to search

Dino Coltro, nato a Strà de Corian, Albaredo d'Adexe (Verona) el 2 de novenbre 1929 e morto a Verona el 4 lujo 2009, l'è stà un scritor, poeta e studioxo veneto. Da zoino, anca se el vegnea da na fameja pitoca de canpagna, l'è sta bon, co tanti sacrifiçi, a deventàr maestro elementare, e dal 1970 al 1990 el ga fato el diretor didàtico a San Giovani Lupatoto, indove el gà vissù anca in seguito.

'Nteła so vita el sà dedicà asè al studio dełe vece tradision popołari veronexi e venete, publicando na trentina de libri e el famoxìsimo "Lunario Veneto", riscoprendo na mota de proverbi, fole e tradision che ormai ła gente l'è drio desmentegarse.

Par el so presioxo laoro ała riscoperta deła cultura popołare de na olta, el gà vùo vari riconosimenti, tra cui el Premio Sirmione-Catullo, ła Medaja d’Oro del Presidente deła Republica al merito educativo e culturale e la laurea honoris causa in Siense deła Formasion, ricevùa nel 2005 dal'Università de Verona.

I so laori[canbia | canbia el còdexe]

  • I lèori del socialismo (1973)
  • Sloti de tera (1977)
  • Leggende e racconti popolari del Veneto (1982)
  • Paese perduto (1982)
  • Un proverbio al giorno (1985)
  • Fole lilole (1987)
  • Cante e cantàri (1988)
  • Stagioni contadine (1988)
  • L’Adige (1989)
  • Piero Bailon che con on giro de baile girava on campo (1989)
  • La nostra polenta quotidiana (1990)
  • Il temporario (1993)
  • Santi e contadini (1994)
  • Parole perdute (1995)
  • Il parlar adesante (1996)
  • Memoria del tempo contadino (1997)
  • L’altra cultura (1998)
  • L’altra lingua (2001)
  • La cucina tradizionale veneta (2002)
  • Dio non paga al sabato (2004)
  • Rivalunga (2004)
  • Quatro ciacole con Barbarani (2006)
  • Gnomi, anguane e basilischi (2006)
  • La terra e l’uomo (2006)

Riferimenti[canbia | canbia el còdexe]