Death Café

Na torta che raprexenta un teschio

Par Death Café se intende un evento pùblego no-profit in cui i parteçipanti i rajona sora el tema de ła morte consumando alimenti e bevande ( de sołito tè e féte de torta). L'obietivo de sti incontri xe de educar e far famèjarizar co el tema de ła morte, fasendo crésar ła propia consapevołeza del ciclo de ła vita. I parteçipanti i pol parlar de pensieri, sogni e paure riguardo a ła morte e l'ato de morir. Sołitamente i incontri i ga na durada de çirca 2 ore in cui i partesipa grupi de calche 12 parsóne. I lioghi in cui i xe tegnesti sti eventi i xe in zènare case privade e locałi pùbleghi in afit cofà bar e ristoranti.