Dana Plato
Dana Michelle Strain, pì conosùa cofà Dana Plato (Maywood, 7 novenbre 1964 - Moore 8 majo 1999) xe stà 'na atrice americana, famoxa pa'l ròło de Kimberly Drummond ne ła serie tełevixiva il mio amico Arnold.
Indice
Biografia[canbia | canbia el còdexe]
Ła carièra de ła Plato, scomissià a 7 ani co l'aparision in diversi spot publicitari, se gà interota ad un serto ponto co' ła fermàda de ła çełebre serie tełevixiva il mio amico Arnold, dove interpretava el personaxo de Kimberly Drummond; sucesivamente ła gà provà a tacàr da nòvo e continuàr ad aver suceso puxando par Playboy 'ntel 1989 ma indrìoman ła gà fenìo par laorar soło che in filmeti softcore B-movie.
'Ntel 1998 ła xe conparsa nùa so' ła covertina de ła rivista Girlfriends, dichiarandose lesbica in un'intervista sò ła stesa rivista, poxision che drìoman xe stà smentìa. Andàda in còtego par rapina a man armàda in una botega de video a Las Vegas - indove łavorava in una lisièra - 'ntel 1991, ła gheva da tenpo problemi de alcol e droga.
Ła xe stà catà che jera drìo morìr a cauxa de 'na overdose de farmaci dal conpagno che gaveva a quel tenpo, Robert Menchaca, 'rento 'na roulotte parchejà 'rente ła caxa de ła mare del so conpagno.
Ła sera prima de ła so morte, Dana gavea partesipà a The Howard Stern Show, programa radiofonego de gran popołarità in America. Sucesivamente el so corpo xe stà cremà e łe sénari xe stàe butàe ne l'oceano.
Ła morte de so fio[canbia | canbia el còdexe]
El 6 magio 2010, el fio de Diana, Tyler Lambert, se gà copà a Tulsa in Oklahoma, dobòto 11 ani drìo ła morte de so mare. El gheva 25 ani e vołeva deventàr un rapper avendo sta pasion, el xe morto sbarandose un colpo de fuxiłe in testa [1] So nona, Joni Richardson, gà afermà che Tyler faseva uxo de alcołici e droga[2].
Filmografia parsiałe[canbia | canbia el còdexe]
Tełevixion[canbia | canbia el còdexe]
- L'uomo da sei milioni di dollari (The Six Million Dollar Man), (1974) - un epixodio
- Il mio amico Arnold (Diff'rent Strokes), (1978-1986) - 142 epixodi
- L'albero delle mele (The Facts of Life), (1979) - un epixodio
- CHiPs, (1980) - 2 epixodi, "Pattini a rotelle" e "La dottoressa" tuti e do ne ła tersa stagion
- Love Boat (The Love Boat), (1984) - un epixodio
- Genitori in blue jeans (Growing Pains), (1985) - un epixodio
Sìnema[canbia | canbia el còdexe]
- L'esorcista II - L'eretico (Exorcist II: The Heretic), regia de John Boorman (1977) - nona acreditàda
- Prime Suspect, regia de Thomas Constantinides e Bruce Kimmel (1989)
- Bikini Beach Race, regia de Eric Louzil (1992)
- Different Strokes, regia de Michael Paul Girard (1998)
- Silent Scream, regia de James Chean (1999)
Cołegamenti esterni[canbia | canbia el còdexe]
- Scheda su Dana Plato de l'Internet Movie Database
Note[canbia | canbia el còdexe]
- ↑ Dana Plato's son dies at age 25. URL consultà el 30 maggio 2010.
- ↑ Son of the Late Dana Plato Commits Suicide. URL consultà el 30 maggio 2010.
