Cronpa de ła Luiziana
La cussì dita "cronpa de ła Louisiana[1]" (Louisiana Purchase in ingrese, Vente de la Louisiane in francese) la xe stà ła cronpa da banda dei Stai Unii dai francesi inte el 1803 de 2 140 000 km² de teritorio l'ora conosuo col nome de Luixiana. El costo el xe stà de 11 250 000 dołari che sumai a l'estinsion de le debite e ai intaressi i ga razontà la cifra total de 23 213 568.
La tera aquistada la chiapava rento i odierni Arkansas, Missouri, Iowa, Oklahoma, Kansas, Nebraska, parte del Minnesota, la mazor parte del North Dakota, el South Dakota, la parte nord-est del Novo Mèsego, l'estremità nord del Texas, parte del Montana, el Wyoming, la zona a est del Colorado e parte de la Louisiana, incluso la cità de New Orleans. La zona a l'estremo nord la ocupava anca parte de le atuai provincie canadese di Alberta e Sascaċiùan. El tuto el coverzerva el 23% dei atuai confini statunitensi.
La firma del tratà
[canbia | canbia el còdaxe]
El 30 de april del 1803 a Parise el tratà el xe stà firmà da Robert Livingston, James Monroe e dal marchese Barbé-Marbois. Jefferson al ga anunzià l'avegnua stipulazion el 4 de lugio dop che Livingston el gavarisse pronuncià la famosa frasa: Gavemo vivuo a longo ma questo xe stà el laoro pì nobile de le nostre intiere vite. I Stai Unii uncuò i chiapa el posto intra le prime podenze del mondo. El Senà dei Stai Unii el ga ratificà el tratà el 20 de otobre e el dì sevente el ga autorisà el presidente Jefferson a chiapar possesso del teritorio e de stabilirghe un governo militar tenporaneo. El 31 de ottobre vian stabilio inoltra che l'organisazion civil del posto la gavaria temporaneamente dovuo mantegnar le ligne inposte soto de la dominazion precedenti spagnola e francese, e xe stà autorisà el presidente a avalerse de l'esercito par el mantegnimento de l'ordene.
Par quanto rivarda la cartografia de le tere de l'ovest se ga organisà na mission ata a esplorar i novi teritori, in sevito conossua cofà la spedizion de Lewis e Clark.
Notasion
[canbia | canbia el còdaxe]- ↑ sevente altre varianse e grafie anca Luixiana, Luiziana
Wikimedia Commons el detien imàjini o altri file so Aquisizion de la Louisiana
el detien schemi gràfeghi so
