Salta al contegnùo

Corvus corax

Da Wikipedia, l'ençiclopedia libara.
TassoboxCorvus corax Cànbia el vałor in Wikidata

Corvus corax corax (it) Traduzi Cànbia el vałor in Wikidata
Rezistrasion
Cànbia el vałor in Wikidata

Cànbia el vałor in Wikidata
Dati
Speransa de vitaEror Lua: callParserFunction: function " [[Categoria" was not found.
Lonzevità màsima21,9 anini Cànbia el vałor in Wikidata
Longhesa69 cm, 60 cm e 68 cm Cànbia el vałor in Wikidata
Pezo689 g
1 625 g
1 041 g
25 g
800 g
1,5 kg Cànbia el vałor in Wikidata
Invergadura120 cm, 150 cm e 1,21 m Cànbia el vałor in Wikidata
Stato de conservasion
Eror Lua: callParserFunction: function " [[Categoria" was not found.
Tasonomia
ClaseAves
ÓrdeneEupasseres
FamejaCorvidae
ZènareCorvus
SpeceCorvus corax Cànbia el vałor in Wikidata

L., 1758

Distribusion

Cànbia el vałor in Wikidata
Endèmego de


Corvus corax principalis

El Corvo, dita anca corf, crovat, croat, corvat, corbo, corbat, o par venetidhathion de'l nome italian corvo inperial, l'é l'ozel europèo pi grant de l'órden de i passeriformes e inte'l mondo l'é pasà via sol che da Corvus crassirostris (corvo abisin) par via de dimension medie, difati i corf pi grosi i riva pezar de pì de i corvi abisini, e da le menure o ozełi lira.

Descrithion

[canbia | canbia el còdaxe]

El croat l'é un dinosauro tèropode neòrnita, raprezentante par ethełentha de la fameja de i còrvidi. El se prezenta cofà n'ozel robusto cuert intieramente da pune de color moro co reflèsi metàłeghi che i va da'l vert smeraldo, a'l violet e a l'ìndaco. L'à na łonghetha che la va da i 56 a i 69 cm e na vertura alar de 130 cm. El pol rivar a pezar 2 kg anca se par sòłito la media l'é de 1-1.5 kg. Le thate le à sgrinfe somejanti a cuele de un ratador e le é negre come al bec che l'é pì lonc e pi forte de cuel de cheł'altri corvidi e l'à na goba invethe de ndar dho galivo cofà cuel de le cornace. El se difarentha da le cornace e da'l corf frutarol (caratërìstego par el contorno de'l bec thentha punajo), sia par le dimension che par la forma de la coda che inte'l corf l'é fata a ronbo invethe che a ventajo. Caraterìstega de 'sta spethe l'é anca la "barba", formada da le pune de'l sgargat che le à forma lanthiolada e che el corf el pol dretharle o tènjerle destirade drio el só stado de ànemo o la só condithion sothial.

alimentathion

[canbia | canbia el còdaxe]

El corf l'é onìvor e oportunista: el so redhime alimentar el varia drio el loch che el se cata, tant par la limentathion ordenaria che par cuela de oportunizmo. Se à oservà che la dieta de i corbi che i ponth inte aree tant antropidhade, la include an parthentajo pi alt de vanthadure e prodoti de la atività umana, i individui che i fa ratha arente le strade i consuma pì che sipie bestie che le resta ciapade sote łe màchine de pasajo e cuełi che i fa el nif dalondi da 'sti loghi i manja pi che altro artòpodi è vedhetałi. Par ezenpio , inte la tundra de la Alaska, i corf i otien su par dho metà de el só bezonc enerdhètego co la predathion de mamìferi de dimension picenine, e cheł'altra metà manjando caronje de caribù e lagomorfi. La ałimentathion vedhetal la include, thereałi, bache, pomele e n'antre sort de fruta. I ndà catha da luri sołi de invertebradi, anfibi, rètiłi, mamìferi cei e ozełi de le dimension de na thìliga o de un tordo.

intelidhentha

[canbia | canbia el còdaxe]

El corbat el poseth un de i thervełi pì grosi intrà de i ozełi. El demostra de ver abilità de intuithion e resoluthion de problemi. Inte n'esperimento par proarghen le capathità, se vea picà co un spago na pendoleta de carne a un pojarol oridhontal. Par vantar la carne, l'ozel el vea da menar el spago a torno el bachet o si nò ingrumarlo sora de 'sto ùltemo tenjendo el cordin co la thata che no' l sbrisese dho. Cuatro su thincue i à pasà la proa, e se à vist che drio la transithion da'l tenp che i corf no i paréa badarghe a'l bocon o i paréa intrigadi vantarlo a cuande che i rivéa resòlver el problema, la se à desvilupà de moda da far créder che no se fuse inpithà nisun mecanismo de aprendimento inte la ment de'l sojeto. L'à stat oservà cofà che i croat i sipie boni de senjarghe a predatori cofà lof, volp o ors la prezentha de prede par far sì che el carnìvoro el le cope e łuri i pose manjar le vanthadure. A se sà anca che i tien de ocio cheł'altri corvidi onde che i sconth el manjar e i se met d'acordo par robarlo. Cofà le cheche, i corvi i à el vithio de portarse via ojeti slisi e lustri. Rethentemente i rethercadori i se à incort che' sti ozełi i dhuga, e i corf dhóveni i é de cuełi che i à la pasion pì granda par el dhugo. I é stati visti far la isa sora montanjole de nief e tormentar can e gat par farse córer drio. Un studio rethente el sostiene che i corvi i pose anca reconoser la vothe de le persone e el cantar de varie spethie de ozełi

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Corvus_corax&oldid=1110549"