Corte suprema dei Stati Unii d'Amèrica

Corte suprema dei Stati Unii d'Amèrica

(en) Supreme Court of the United States
Dati
Sorte	corte suprema United States article III court (en)
Istoria
Creasion	1789
'	Articolo III della Costituzione degli Stati Uniti d'America (it)
Atività
Menbri	9 (1869)
Governo d'impresa
Presidènsa	John G. Roberts (it) (2005–)
Presidente della Corte Suprema degli Stati Uniti d'America (it)	John G. Roberts (it)
Formà da	Zùdaze de ła Corte Suprema dei Stati Unii Supreme Court Police (en)
Parte de	United States federal courts (en)
Sito web	supremecourt.gov

La Corte suprema dei Stati Unii d'Amèrica, Suprema Corte o Supremo Tribunałe dei Stati Unii d'Amèrica (in ingleze: Supreme Court of the United States, a volte scursà in SCOTUS) ła ze stada istituia el 24 de setenbre 1789 cofà ła pì alta corte federałe dei Stati Unii. Ła ze l'ùgnoło tribunałe disciplinà in magnera spesìfega da ła Costitusion. I menbri de ła Corte i ze 9: un presidente, Chief Justice of the United States, e oto menbri, i Associates Justices, nomenai a vita.

Nomina dei zùdazi

I zùdezi de ła Corte suprema i ze nominai a vita; i ga tuta-via ła facoltà de retirarse co che no i se ritegnese pì in boni de portar-vanti el so incargo in magnera adeguada. Co un'incargo el devien vacante, el Presidente dei Stati Unii el provede nomenar el zùdeze sostitudor col consenso del Senato.

Tuta-via, ste podere el vien doparà co na serta prudensa da parte del presidente in càrega. Par ezénpio, ła Costitusion dei Stati Unii d'Amèrica no ła prevede criteri de repartision intrà i menbri, ma ła ze invalsa ła costumanaa de far-sì che i nove zùdezi i raprezéntee, inte ła totałità, ła plurałità de łe àneme sociałi e zeogràfeghe del paeze.

Par-tanto, de norma, intrà i nove menbri łe vien raprezentae tute łe comunità pì inportanti del paeze, łe difarente àree zeogràfeghe e i orientamenti sociałi. Naturalmente ste repartision łe ga sevità in paro paso ła evołusion de ła società americana e ła emancipasion dei difarenti grupi sociałi.

Zurisdision

La zurisdision de ła Corte suprema ła ze de do tipi:

• original jurisdiction (conpetensa in primo grado)
• appellate jurisdiction (conpetensa in grado de inpugnasion)

Inte l'original jurisdiction ła Corte ła deside in prima e ùgnoła istansa de controvèrsie spesifegamente indicae da ła leje, cofà inte el cazo de anbasiadori, cónsołi e raprezentanti stranieri oltre a cuełe inte el cuało el sìpia parte in càuza un Stato.

Inte l'appellate jurisdiction ła corte, invese, decide su l'inpugnasion de na sentensa emetesta da na corte inferiore, coi lìmiti e łe ecesion prevedeste dal Congreso. Inte ła zurisdision d'apeło ła Corte ła połe decìdere su dimanda de un ziudice federałe che, ciamà a l'aplegasion de ła leje, ła gàpia considerada in contrasto co ła Costitusion, na leje federałe o un tratà stipulà da ła Federasion; da sto ponto de vedesta ła Corte suprema ła ze el zùdeze de ła costitusionałità de łe leji e del respeto de ła zerarchia de łe fonte.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Corte suprema dei Stati Unii d'Amèrica
• el detien schemi gràfeghi so

Linganbi foresti

• (inglezo) Sito ufisałesupremecourt.gov.
• (EN) Brian P. Smentkowski, Supreme Court of the United StatesEnçiclopedia Britannica, Encyclopædia Britannica, Inc.
• Opere di Corte suprema dei Stati Unii d'AmèricaopenMLOL, Horizons Unlimited srl.
• (EN) Opere di Corte suprema dei Stati Unii d'AmèricaProgetto Gutenberg.
• (EN) Audiolibri di United States Supreme Court / Corte suprema dei Stati Unii d'AmèricaLibriVox.
• (EN) Opere riguardanti United States. Supreme Court / United states, supreme court / USA Supreme Court / Supreme Court (VS) / États-Unis. Supreme Court / Etats-Unis. Supreme Court / Corte suprema dei Stati Unii d'AmèricaOpen Library, Internet Archive.
• (EN) Corte suprema dei Stati Unii d'AmèricaGoodreads.