Comità de Libarasion Nasionałe

Comità de Libarasion Nasionałe
Dati
Nome scursà	Cudo grosso
Sorte	Organizasion pułìtega
Istòria
Creasion	1943
Desołusion	1947
Governo d'impresa
Formà da	Comitato di Liberazione Nazionale Alta Italia (it)
Parte de	Rexistensa italiana

El Comità de Libarasion Nasionałe (scursà in CLN) ła ze sta un'organizasion pułìtega e miłitare italiana costituia da ełementi dei prinsipałi partii e movimenti del Paeze, formada a Roma inte el 9 de setenbre del 1943, col fin de oponerse al fascismo e a l'ocupasion nazista in Itàlia, desovesta inte el 1947.

In particułare el CLN el ga coordenà e direto ła rezistensa italiana e el zera formà da łe sudivizion: Comità de Libarasion Nasionałe Alta Itàlia (CLNAI), co sede inte ła sità de Miłan inte el ndar de ła so ocupasion e el Comità Sentrałe de Libarasion Nasionałe (CCLN), co sede a Roma. L'organizasion ła ghea oparà cofà organismo clandestin inte el ndar de ła Rezistensa e el ghea vesto par dełega poderi de goerno inte i dì de insuresion nasionałe.

Stòria

Fondasion

Inte el 16 de otobre 1943 ła zera stada votada na mosion che ła połe vegner rezumesta in trè ponti baze:

asumere tutI i poderi costitusionałi del Stato evitando ogni conportamento che el posa conprométar ła concòrdia de ła nasion e prezudegàrghene ła futura decizion popołare;
condùzar ła guera de libarasion stando de fianco dei liai angloamericani;
convocar el pòpoło al cesar de łe ostiłità par decìdar su ła forma istitusionałe del Stato.

Inderiso pułìtego

El Comità de Libarasion nasionałe el zera na formasion interpartìtega formada da movimenti de vària estrasion culturałe e ideołòzega, conponesta da raprezentanti del Partio Comunista Italian (PCI), de ła Democrasia Cristiana (DC), del Partio de Asion (PdA), del Partio Lìbarałe Italian (PLI), del Partio Sociałista Italian de Unità Prołetària (PSIUP) e del Partio Democràtego del Lavoro (DL).

Conpozision

La conpozision pułìtega de łe brigae partezane ła zera bastansa vària:

Brigae Garibaldi (del Partio Comunista Italian): 575
Brigae autònome (guidae da miłitari e no raprezentae da nisun partio del CLN, particułarmente ative in Piemonte): 255
Brigae Zustìsia e Libartà (Partio de Asion): 198
Brigae Matteotti (Partio Sociałista Italian de Unità Prołetària): 70
Brigae Mazzini (Partio Republegan Italian)
Brigae del pòpoło (Democrasia Cristiana): 54.