Comenda
Ła comenda ła xe stà un contràto medievałe che se ga sviłupà in Itałia tórno al XIII secoło, e che ła xe stà na forma prima de partenarià limità.[1][2] Ła comenda ła jera un'acordo tra un sòçio investidor e un sòçio viajante par condùr na inpresa comerçiałe, de sołito oltremar.[3] I termini doparai in ste partnership xe vari e i xe de sołito categorizai dai storeghi de uncuò cofà comenda unilaterałe e comenda bilaterałe, in base a ła condivision de łe luminàrie e dei profiti intra i so partner. Ła comenda bilaterałe ła jera conosua a Venezia cofà colegantia o cołeganza.[4] Ła comenda ła xe stà descrita cofà na inovasion fondamentałe inte ła storia de łe finanse e del comèrço.[5][6]
Ła comenda ła jera un partenarià intra un partner investidor (ciamà commendator, o socius stans) e un partner in viajo (ciamà tractator o socius procertans).[7] El partner investidor fornia el capital e el partner de viajo fasea na inpresa comerçiałe (de sołito el trasporto maritimo), e dapò, el capital inisiałe el tornea al investidor e i profiti restanti vegnea dividesti.[8] Ła comenda ła jera, in esensa, cofà na soçietà asionaria par el finansiamento de na singoła spedizion. A segónda de ła luminària del partner de viajo, i storeghi i definise do tipi de comenda:
- Comenda unilaterałe: el soçio investidor el contribuise, patoco, al capital, el soçio viajadór gnente; i profiti i vien dividesti tre quarti par el soçio investidor e un quarto par el soçio viajadór.[9] El soçio investidor el se ciol tute łe responsabiłità par łe perdite, mentre el soçio viajador no, nissuna. I Statudi de Marsiglia de el 1253 i protegea el partner de viajo contro łe cause de naufragio o de catura de ła nave.[5] Ła jera ciamada commendatio a Venezia.[7]
- Comenda bilaterałe: l'investidor el mete do tersi del capital, mentre el partner de viajo, un terso. El vadagno vien diviso a ła pari. El soçio investidor el sostien do tersi de ogni eventuałe perdita, mentre el soçio viajante un terso.[5] Ła se ciamea 'coleganza' o cołegantia a Venesia e societas a Zènoa.[1][7]
Ogni contrato individuałe el jera signałà, e talfiàda, l'investimento el jera na cuota de na nave.[9]
- ↑ 1,0 1,1 (EN) Medieval Trade in the Mediterranean World: Illustrative Documents, Columbia University Press, 2001.
- ↑ (IT) Studi di storia economica veneziana., CEDAM, 1954.
- ↑ Van Doosselaere, Quentin, 1961–, Commercial agreements and social dynamics in medieval Genoa, Cambridge, UK, Cambridge Univ. Press, 2009.
- ↑ (EN) Kenneth M. Setton, A History of the Crusades: The Impact of the Crusades on the Near East, Univ of Wisconsin Press, September 1985.
- ↑ 5,0 5,1 5,2 Eror:
<ref>nisun testo par el marcador:1 - ↑ Max Nisen, How Globalization Created And Destroyed The City Of Venicebusinessinsider.com.
- ↑ 7,0 7,1 7,2 Eta Ducale – Le risorse: MERCATURA E MONETA in "Storia di Venezia"treccani.it.
- ↑ (EN) Lincoln Paine, The Sea and Civilization: A Maritime History of the World, Knopf Doubleday Publishing Group, 29 de otobre 2013.
- ↑ 9,0 9,1 (EN) Medieval Trade in the Mediterranean World: Illustrative Documents, Columbia University Press, 2001.