Ceza de l'Anunsasion de ła Beata Vèrzane Maria (Cuero Vas)

	Anunsasion de ła Beata Vèrzane Maria
Dati
Sorte	Ceza
Pozision
	Cuero Vas
Pozision	Quero
	45°55′24.63″N 11°55′53.99″E / 45.923508°N 11.931665°ECoordinae: 45°55′24.63″N 11°55′53.99″E / 45.923508°N 11.931665°E
Atività
Diòseze	diòseze de Pàdoa
Rełijon	catołicismo
	; ; ; ; ; ; ;

La Anunsasion de ła Beata Vèrzane Maria ła ze ła parochiałe de Cuero, frasion-caołogo del comune sparso de Cuero Vas, in provincia de Bełun soto ła diòseze de Pàdoa^[1]; ła ze parte del vicarià de Cuero-Valdobiadene.

Stòria[canbia | canbia el còdaxe]

La pieve cuereza ła ze sorzesta probabiłmente i, dato che za in cheła època Cuero ła zera un paeze de na serta inportansa^[2], catàndose inte ła pozision stratèzega in ła cuała el fiume Piave el sbandona ła montagna e el scumìsia el so camin in pianura^[3]..

Inte el 1235 inte l'interior de sta ceza el zera sta siglà un acordo intrà el véscovo de Feltre e Bełun Eleazaro da Casteło e Ezełin III da Romano^[3]; inte ła dèzema papale del 1297 se leze che ła pieve de Cuero ła gaveva a łe so dipendense l'ospìsio de Santa Maria de Canali e łe ceze de Canpo, Ałan e Seguzin, a łe cuale sucesivamente łe se ghea zontà anca chełe de Vas e de Fener^[3].

Da ła relasion de ła vizita pastorale del 1488 del véscovo de Pàdoa Pietro Barosi el sente che ła ceza ła zera in brute condision e che inte el so interno i altari i zera disponesti malamente^[1]^[3].

Inte el 1535 ła ceza ła rezultava re-edìfegada da poco e gnoncora conpletada in tute łe so parti^[3]; dopo del forte teramoto del 1695 l'edifegà el zera sta restaurà e stabiłizà^[1].

Al scumìsio del Setezento ghe ze sta fato in parte el canpaniłe^[1]; senpre inte el XVIII secolo l'interno de ła ceza el zera sta re-sistemà in ocazion de un ingrandimento^[1]. Inte el 1736 el canpanile el ze sta dotà del rełojo, e inte el 1763 inte ła ceła ła zera stada instałada un'altra canpana oncora^[1].

Tra el 1806 e el 1816 ła pieve ła ze sta ojeto de on inportante restàuro conduzesto su projeto de Sebastiano De Boni, che el ghe ga dato na aparensa in stiłe neoclàsego de órdene corìnsio^[1], par dopo vegner consacrada inte el 1858^[2]^[3].
Tra el 1904 e el 1906 ła faciada e el cuerto i ze vegnesti restruturai^[1].

Durante ła prima guera mondiale ła ceza ła ze sta desfada^[3].
La prima piera de l'atuale parochiałe ła zera stada ponesta inte el 1919^[1]. El novo edifegà el ze sta verzesto al culto inte el 1923^[1] e consacrà inte el 1924^[2].

Descrision[canbia | canbia el còdaxe]

La ceza ła prezenta inte l'interior i sie altari de San Daniełe, de San Juzepe, de ła Santa Croze e Cadesti, de Sant'Antonio da Pàdoa, del Sacro Core de Jezù e de San Ziròłamo Emiliani e Madona^[1].
Òpare de prejo conservae inte l'interior de ła ceza łe ze ła pała che ła figura Jezù Cristo co ła corona de spine, fata dal Tintoreto intrà el 1580 e el 1583 e orizenariamente conservada inte ła interada ceza de Santa Croze a Bełun^[2], e ła tale co sojeto ła Disendesta de Cristo inte el Linbo, dipinzesta inte el stile de Jacopo Palma el Zóvane^[2].