Ceza de San Tomazo Apòstoło (San Tomazo Agordin)

Da Wikipedia, l'ençiclopedia libara.
Infobox de InfrastruturaCeza de San Tomazo Apòstoło
Someja
Dati
SorteChiesa cattolica (it) Traduzi Cànbia el vałor in Wikidata
Pozision
StatoITA
 San Tomazo Agordin

Map

46°22′52.26″N 11°58′33.82″E / 46.381182°N 11.97606°E46.381182; 11.97606Coordinae: 46°22′52.26″N 11°58′33.82″E / 46.381182°N 11.97606°E46.381182; 11.97606

Atività
Diòsezediòseze de Bełun-Feltre Cànbia el vałor in Wikidata
Rełijoncatołicismo Cànbia el vałor in Wikidata


La ceza de San Tomazo Apòstoło, conosesta anca cofà ceza de San Tomazo, ła ze ła parochiale de San Tomaso Agordin, in provincia de Bełun e diòseze de Bełun-Feltre; ła ze parte de ła converzensa foraniałe 4.

Istòrego[canbia | canbia el còdaxe]

Probabiłmente ła primitiva ceza de ła zona in memòria de san Tomaso Apòstoło ła ezistia za inte el XIII secoło e ła sorzea in locałità Porsiei[1]; tutavia, de sto edifegà no ghe ze restà gnente[1].

Na nova ceza gavente ła medèzema intitołasion ła zera vegnesta fazesta inte el XIV secoło in locałità Cełat e ła ze sta citada par ła prima volta inte el 1361[1]; da un documento del 1381 se conose che ła zera vegnesta reconciliada dopo de na profanasion[2]. Inte el 1437 ła ze sta inpartia ła consacrasion[3] e inte el 1483 arente ghe zera vegnesto traesto-sù el canpaniłe[2]; inte el 1585 ła ceza ze sta ełevada al rango de curasiałe[3].
Intrà el 1620 e el 1625 l'edifegà ze sta ojeto de intervinti de anpliamento che i ghea portà al sgrandemento de ła navada[1].

L'atuałe ceza ła ze fruto del restauramento fato inte i ani cuaranta del Setezento[1][2]; inte el 1753 ghe ze sta soraełevà el canpaniłe[2]. La ceza divene parochiałe inte el 1799[3].

Descrision[canbia | canbia el còdaxe]

Òpare de prejo conservae inte l'interior de ła ceza łe ze ła pała retraente ła Vèrzene del Càrmene in glòria col puteło insieme ai santi Florian, Silvestro Papa, Gotardo e Juzepe, fata da Anzeło Cimador[1], i freschi figuranti i santi Piero, Andrea e Jàcomo e ła Resuresion de Cristo, fati probabiłmente da Joani da Mel[1], l'altar major del 1755, inte el cuałe ła ghe ze soraponesta ła pała co santi Margarita, Tomazo e Bartołomeo e ła Beada Vèrzene Mària col Puteło, pintada da Francesco Frizimèlega[1], ła teła setesentesca co ritraesto ła Beata vèrzene del Rozàrio coi santi Doménego, Catarina da Siena, Joani Batista e Pietro Apòstoło[2], el medajon co i Misteri del Rozàrio e l'òrgan, costruio inte el 1802 da Gaetan Całido e restaurà inte el 1990 da ła dita padoana Ruffati [2].

Notasion[canbia | canbia el còdaxe]

  1. ↑ 1,0 1,1 1,2 1,3 1,4 1,5 1,6 1,7 CHIESA DI SAN TOMASO - SAN TOMASO AGORDINOinfodolomiti.it. entrada il 3 luglio 2020.
  2. ↑ 2,0 2,1 2,2 2,3 2,4 2,5 Chiesa Parrocchiale di San Tommaso Apostolocomune.santomasoagordino.bl.it. entrada il 3 luglio 2020.
  3. ↑ 3,0 3,1 3,2 Comune di San Tomaso Agordinoprovincia.belluno.it. entrada il 3 luglio 2020.

Voci corełae[canbia | canbia el còdaxe]

Cołegamenti esterni[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ceza_de_San_Tomazo_Apòstoło_(San_Tomazo_Agordin)&oldid=1164938"