Ceza de San Biajo (Àłeghe)
 Ceza de San Biajo | ||
| ||
| Dati | ||
|---|---|---|
| Sorte | Chiesa cattolica (it)   | |
| Dedicà a | Biajo de Sebaste | |
| Pozision | ||
| Stato | ITA | |
| Àłeghe | ||
| Pozision | Alleghe (it) | |
| ||
| Atività | ||
| Diòseze | diòseze de Bełun-Feltre | |
| Rełijon | catołicismo | |
|
| ||
La ceza de San Biajo ła ze ła parochiale de Àłeghe, in provincia de Bełun e diòseze de Bełun-Feltre; ła ze parte de ła converzensa foraniałe 4.
Stòria
[canbia | canbia el còdaxe]
La prima citasion de na ceza a Àłeghe ła ze da sercar inte na boła emetesta inte el 1185 da papa Lùsio III[1][2].
Inte el 1466 sta capeła ła ze stada consacrada dal véscovo Antònio da Fabrian[1]; inte el XVI secolo ła ceza ła zera stada probabiłmente rifata, esendo stada consacrada novamente inte el 1539 dal véscovo Fiłipo Donati[1].
Sta ceza ła se prezentava a na sola navada sudividesta in tre canpae e ospitante trè altari, co ła volta caraterizade da costołoni, co sie fenestre in faciada e inte łe pareti laterałi e trè de l'abside[1]; tacà a ła ceza ła sorzeva ła tore canpanaria gòtega[1].
Inte i ani setanta del Setezento na frana ła zera finia viołenta inte el lago arente al paeze e da cuà se ghea orizenà na onda che ła ga investio el sentro, danejando gravamente ła ceza[1]; l'atuale parochiale, che ła ingloba racuante parte de ła vècia, ła zera stada portada a fine inte el 1783[1].
Inte el 1889 un inséndio el ghea rovinà el paeze e anca ła ceza ła ghea sorbio dei dani, che ghe ga tocà èsar sanadi[1].
Descrision
[canbia | canbia el còdaxe]Òpare de prejo conservae inte l'interior de ła ceza łe ze l'òrgano, costruio inte el XVIII secolo e restaurà inte el 2005 da ła dita Zanin de Codroipo[3], ła statueta de ła Madona de Loreto, scolpia in legno de tajaro (Tilia) intrà el 1560 e el 1570 sirca[1], ła pała figurante San Biajo in glòria intrà i santi Maria Madałena e Joani Napomuzeno, fata inte el XVIII secolo dal moenezo Valentin Rovizi scołaro de Joani Batista Tièpoło[1][2], i freschi figuranti ła Glòria de San Biajo, el sogno de Jacobe, el sacrefiso de Noè e el zudìsio de Sałomon, dipinzesti dal Rovizi e da l'altotezin Josef Adam Mölk[1], ła tela co l'Asunsion de ła Beata Vèrzene Maria intrà i santi Antònio Abate e Vinsenso Ferer[1], fata inte el 1780 da Vicensa Joana Rovizi[1], e ła tela de ła Madona de ła Neve, derivante dal 1784[1].
El canpaniłe el ze caraterizà da ła prezensa so ła parete esteriora de un fresco figurante San Biajo inte l'ato de benedire, fato dal todesco Kurt Geibel Hellmek[1].
Notasion
[canbia | canbia el còdaxe]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 CHIESA DI SAN BIAGIO - ALLEGHEinfodolomiti.it. entrada il 1º luglio 2020.
- ↑ 2,0 2,1 Alleghe - cenni storicimyportal.regione.veneto.it. entrada il 1º luglio 2020.
- ↑ Organo della chiesa di San Biagio d'Alleghezaninorgani.weebly.com. entrada il 1º luglio 2020.
Voze corelae
[canbia | canbia el còdaxe]Altri projeti
[canbia | canbia el còdaxe]
Wikimedia Commons el detien imàjini o altri file so Ceza de San Biajo (Àłeghe)
el detien schemi gràfeghi so
