Caval (architetura)

Al quert fat a cavai ravesinadi 'te la Basilica de Santa Croce a Firense

An caval francese. Ten quel 'taljana al omenet e la cadena no i se toca. Te le costrusion venete, specialmente se la dimension de la costrusion la è pisola, manca i elementi djagonai.

An caval de metal te 'n edificio industrial.

An caval al è an elemento architetonico che al materjaliza al principio costrutiu de 'l triangol, cioè la pì senplice strutura reticolar isostatica che se pode far.

Uso

Al caval al gnen doperà par cener sù an quert a do falde aonde che no ghe n'è an mur portante.

Costrusion

Al caval al gnen fat co trau de legn sagomadi prim de gner metesti 'te 'l so posto. Prim se sagomea al gross, podopo gnen metest insjeme i toch a piè d'opera e co 'l segon se ripassa tuti i punti de contato, in modo che i conbacie polito. Na olta fata sta operasion se smonta i cavai e se torna a meterli insieme te 'l posto aonde che i à da star. I diversi toch de legn podaree star fermi solche par isostaticità (te 'l pjan) e par atriti e simetria de sfors (te 'l spasio), ma comunque par sicuresa se i fissa co ciodi o, secont le nove norme, co stafe inbolonade. I trau che se dopera a far al caval de solito i è de roro, laress o Pes.

Nomencladura

Al toch orizontal, che al è sojeto a 'n sfors de trasion, al gnen ciamà cadena, quei de stravers, sojeti a conpression no uniforme, a taj e a flession par via de 'l cargo distribuì diagonal che la ghe manda la falda, i se ciama ganbe da caval. Al toch sù in sima, sojeto a conpression, al se ciama omenet.

Voci colegade

• Cadena (architetura)
• Cuba
• Quert
• Tirante
• Trau reticolar

Altri progetti

• Wikimedia Commons

• Wikimedia Commons el detien imàjini o altri file so Caval

Controło de autorità	GND (DE) 4148729-1