Casin

An casin al ze an edificio fat a seti murari, a pjanta retangolar o quadra, de dimension ridote , al pì de do stanse una sot e una sora, destinà a residensa fissa o tenporanea de persone o a el ricovero de la zent in caso de brut tenp.

Storia

I casin i ze nassesti par difarenti motivi: serti no i ze stati altro che la evolusion de i casoi, altri i ze nassesti co la funsion de i casoi ma par la disponibilità de risorse i ze stati fati de mur. An secondo tipo al ze quel nassest su i resti de tor de avistament, o pì da spess su resti de un rocol. Al ze da notar che tante olte se i cata de la sima de colet, o comunque ten posti che i gode de un bel panorama.

Dess la gran part de i casin la ze destinada a chejer do parchè no i responde assolutamente a gnissuna norma architetonica su le abitasion. Solche qualchedun che pol gner doperà come cason al se salva da la demolision.

Strutura

I casin i ga na pjanta de le dimension massime de circa 3x3m. Se i ze nassesti come casoi i ga na unica stansa a livel del teren, senò i ghe n'à una semiinterada e una rialsada, a la qual se ghe donde par na ranpa de teren. Ten qualche raro caso se pol catar na scala interna. Quasi senpre se cata an larin te un canton, che al descarga al fun diretamente da un buss 'te el mur. Al soler che separa la cosina (te el seminterà) e la canbera (pjan rialsà) al ze fat de legn co i trau incastradi 'te i mur perimetrai. Al quert a ze a 2 falde, e al pol esser de cop o de pjera. raramente anca de lamjera.