Casel (viabilità)
An casel, te el anbito dei trasporti, al ze na costrusion che la ga an preciso scopo de sesionar al trafico e far pagar an pedajo (casel autostradal) o de ospitar zent pagada par far de le segnalasion e dei controi particolari su el trafico (casel feroviario).
Al casel autostradal
[canbia | canbia el còdaxe]Al casel autostradal al ga la funsion de blocar al trafico te na serta sesion del tragito par saldar al cont del pedajo che i veicoi i ga da pagar. De solito al ze costituì da na tetoja che la traversa la strada par intjer, co gabjot prefabricadi postadi de fianco de ogni corsia. I conducenti no i pol continuar la so marcia parchè ghe n'è na sbara che la ostruiss al percorso e la se alsa su comando del caselante o de un dispositiu eletronico che al rilassia an biglieto de identificasion o al tira i schei del pedajo su presentasion del biglieto. Esiste anca dispositivi de pagamento automàteghi come al telepass.
Al casel feroviario
[canbia | canbia el còdaxe]Na strutura de le ferovie che dess no la esiste pì la era al casel feroviario. Se trata de na casa (serte une le esiste oncora ten sto senso) aonde che viu al caselante e la so fameja. Al casel al ze senpre arent a la ferovia e te na posision strategica par segnalar la vesinansa de na stasion o de un passajo a livel. Al conpito del caselante al era quel de saer i orari del treno e de far segnalasion luminose co na gran lanpada a petroljo protejesta co vieri dal vent (ciamada feral) e co tre petardi postadi sot le rotaje. Sta dopia segnalasion la ła al isteso significà, e te el caso che esse falì un dei do segnai restea comunque quelaltro.