Carjol
Al carjol o barela al è an veicolo a braž che al sfruta al principio de la leva par farghe far manco fadiga a quel che al lo penž. Al fulcro al è costituì da na unica roda, la resistenža la chej 'te 'l baricentro de 'l carjol cargà e la ažion de quel che al lo dopera la gnen aplicada a do maneghere. Na olta i carjoi i era fati de legn co la roda de fer, podopo la tecnologia la à portà a quei de lamiera e in ultima a quei de plastica. La sagoma de 'l carjol la canbia secont la esigenža par la qual al è stat progetà: Esiste al carjol da jardinajo, quel da murador, quel da portar fora grassa (ciamà anca carjola) e quel ribassà (ciamà anca barela).
Al principio de 'l carjol al gnen ricalcà anca da altri međi de inpiego comune, pì che sia in passà, come la seminatrice a man, al carjol sparticòncime e la ponpa a carjol.
