Cao de Stato

El cao de Stato el ze cheła persona o chel grupo de persone poneste inte el vèrtaze del Stato. I poderi de sta figura i vària in granda magnera dipendindo da ła forma de goerno adotada: el połe ver tìtuło in tuti i poderi pùbleghi, cofà che sucede inte un stato asołuto, el połe gaver funsion de goerno finmente a rivar gaver un roło meramente serimoniałe.

El pol èser de tipi difarenti: Re/Prìnsipe/Granduca (inte łe monarchìe) , Presidente (inte łe repùbliche).

Ghe xe vari ordenaminti statałi, che i prevéde poteri difarenti par el Cao de Stato:

• Repùblica parlamentar: un Presidente solo raprexentativo
• Repùblica presidensiałe: un Presidente a cao del poter executivo (goerno)
• Monarchìa Costitusionałe: un Re/Prìnsipe/Granduca soło raprexentativo o che el condivide el poter executivo col goerno
• Monarchìa Asołuta: un Re co tuti tri i poteri statałi (poter lejislativo, poter executivo e poter giudisiario)

Par quanto stran che posa senbrar, al mondo ghe xe Monarchìe che, seben che łe sia sołute, el Re el vien votà e no'l xe mìa ereditario: łe vien ciamàe Monarchìe asołute ełetive.

In tuto el mondo ghe xe vari Regni, calche Prinsipato (Monaco o el Liechtenstein) ma un Granducato soło (el Lusenburgo).

Al mondo ghe xe sol che du Stati indove che el Cao de Stato no el xe mìa uno soło ma i vien goernài da du Cai de Stato contenporaneamente: Repùblica de San Marin (i cusì-ciamài Caitani Reggenti) e el Co-prinsipato de Andora (come che dixe el nome el ga du prìnsipi).

Parò i Cai de San Marin i ga poteri efetivi mentre quii de Andora (che i xe foresti, un vescovo spagnoło e el Presidente franséxe) i ze sol che garanti internasionałi formałi par asegurar che ła pìcoła Andora no ła vegna mésa sóto da nisuni.

Altri progetti

• Wikimedia Commons

• Wikimedia Commons el detien imàjini o altri file so cao de Stato