Capano

Da Wikipedia, l'ençiclopedia libara.
Jump to navigation Jump to search
Sta pajina xè orfana
Sta pajina xè orfana, overo priva de cołegamenti in entrata da altre pajine
Inserissighene almanco uno pertinente e cava l'avixo
Sta pajina xè orfana
Sto articol al é scrit in belumat
Capano

Co 'l nome capano se definiss an anbjente creà aposta par crear an microclima aonde poder far cresser mejo pjante e fjor che no è 'te 'l so habitat natural. Esiste capani refrigeradi (rari), capani scaldadi e capani che se scalda de so posta sfrutando al efeto sèra.

I capani i pol er na strutura de fer, de legn, de aluminio o de cimento (te i primi prototipi), e le è serade co materjal trasparente come telo, plexyglass o vjero. Al quert al è spjovente a una o do falde, o senò al pol esser tondo. Se al capano al è vert su qualchedun de i lati al ciapa al nome de tunnel. An capano al pol essere dotà anca de luce artificial, finestre e dispositivi manuai o eletronici par al controlo de la umidità, de la tenperatura e de la luce.

Al orjentamento mejo al è est-ovest co i ragi de 'l Sol che i traversa al rivestimento fando a 'l interno al "efeto sèra": i ragi i gnen assorbidi da le pjante e da la copertura de 'l capano, aonde che i gnen trategnesti scaldando al anbjente.

Interno de en capano

I capani i è dividesti in diverse categorie secont la tenperatura che se ol donder a 'l so interno e secondo altre carateristiche.

Tipi de capano[canbia | canbia el còdexe]

Tanti i è i criteri de classificažjon; quei pì doperadi i è i seguenti:
Cenendo cont le 'l indirižo coltural, i capani i se ragrupa in:

  1. Capani de propagažjon o moltiplicažjon. Se i dopera par la radicažion de pjante da fjor e da fruto.
  2. Capani de foržadura o coltivažione. Se i dopera par la coltivažion de pjante da foja e da fjor.
  3. Capani destinadi a colture ordinarie. Si i dopera par la coltivažion de pjante da ort.

Cenendo cont de 'l numero de le canpade, i capani se i ragrupa in:

  1. Capani singoi o isoladi. I è capani co na unica canpada.
  2. Capani acopjadi o gemeladi. I è capani a canpada dopja senža parete divisorja.
  3. Capani multipli. I è capani a bateria.

Cenendo cont de la possibilità de spostament, i capani se i ragrupa in:

  1. Capani fissi. Comunemente de cimento, acciajo/legno/fer, vjero/PVC/PE
  2. Capani mobili. I è capani facili da montar e smontar.
  3. Capani scorevoi. In fase de studjo.

Cenendo cont de 'l substrato doperà, i capani se i ragrupa in:

  1. Capani normai. I è capani te i quai se dopera tera comune come substrato.
  2. Capani idroponici. I è capani te i quai se dopera come substrato an materjal inerte, poroso, sterile, che se 'l fa traversar da na solužion nutritiva pareciada prim. Par esenpjo: vermicolite, perlite, pomice, croda vulcanica.

Cenendo cont de la presenža e de la tipologia de l'inpjanto de climatizažjon, i capani se i ragrupa in:

  1. Capani fredi. No climatizadi.
  2. Capani tenperadi. I è capani boni de mancener costantemente na tenperatura tra i 10 °C e i 14 °C te le ore noturne.
  3. Capani caldi. I è capani in grado de mancener la tenperatura noturna tra i 16 °C e i 20 °C.

Varda anca[canbia | canbia el còdexe]

Altri progeti[canbia | canbia el còdexe]

  • Collabora a Commons Su Commons ghe xe dei file multimediałi su Capano