Cònan el bàrbaro
.jpg)  | |
| Nome orizenałe | (en) Conan the Barbarian |
|---|---|
| Biografia | |
| Nasimènto | Cimmeria |
Re fittizio (it)  Aquilonia (it) | |
| nisun vałore – ← Numedides (en) – Conn (en) → | |
| Dati personałi | |
| Cołor dei oci | Cełeste |
| Cołor de caveji | Cavejo nero |
| Atività | |
| Ocupasion | |
| Perìodo | Era hyboriana (it) |
| Fameja | |
| Fiołi | |
| Zenitori | |
| Sito web | conan.com |
|
| |
Cònan dito anca Cònan el barbaro el xe un personajo creà da Robert Ervin Howard, un scritore merican.
Cònan el xe nato in Cimmeria durante l'era hyboriana, diexemiła ani prima de ła nàsita de nostro Signòr, e otomiła ani dopo el sprofondamento de Atlantide, spasà via da un teribiłe cataclisma marin che ła ga spacà (parte de łe cronache su Atlantide łe se pol catare proprio inte el ciclo howardiano de Kull de Valusia), alora el ga scominsià a viajar fin da puteo.
Ła só prima inpresa nota ła xe na sortìa a l'interno de ła mitica Tor de l'Elefante, na tore magica inte el cor del Maul (un quartier malfamà de Shadizar) al cui interno Yara el sacerdote el tien de scondoni un èsare vegnùo da łe stéłe, co ła testa de ełefante, e che el tortura afinché el ghe dae chei favori graxie ai quai el ciapa ła só fama.
Cònan el jera sin dai só quindexe ani d'età un conbatente rispetà, abiłe co qualsiasi arma da tajo e el gaveva partecipà anca a inportanti bataje. Fiol d'un fàvaro, cresùo inte łe rudi tere de ła Cimmeria par colpa de só nono che el jera scanpà da na faida de sangue.
Dexà da stò inixio se vede come ła leteratura de l'orore de Lovecraft (in particolar el só Ciclo de Cthulhu) ła gàbie profondamente influìo sul stiłe de Howard. Col pasar dei ani, infati, Cònan el se cata a afrontare streguni malvasi, mostri małigni, orori che no i vien descriti, ma tuti co na carateristica, un punto debołe: i xe concreti, e quindi Cònan el pol colpirli e coparli co ła só spada.
Dak spirito irequieto e vagabondo, el ghe xe capità diverse volte l'ocasion de fermarse in un posto e ciapar el poter su un regno ceo grasie ai favori che łe sovrane del logo łe jera disposte a darghe (varda, par esenpio, Nascerà una strega), ma proprio el só inato spirito vagabondo ło faxeva sempre dexìstare e ałontanarse dal ciamar de ła civiltà. Quando che el xe rivà, parò, intorno ai quarantasinque ani d'età, el ghe xe capità incredibilmente l'ocasion de sentarse sul trono de Aquiłonia.
Re Numedide, al cui servisio (come generale) el gaveva riportà tante vitorie, el gheva paura de ła cresente popołarità de Cònan, par questo ło ga riciamà e ło ga fato inprisonare co un pretesto. Scampà via, el ga ramengà par un poco finché, dopo tante peripesie, el ga meso łe man sul tesoro de Tranicos che dopo el ga doparà par finansiar ła só sałita al trono. In Aquiłonia intanto se preparava na rivołusion e alcuni veci comiłitoni de Cònan i ghe ga proposto de parteciparve e de diventar el monarca. Stavolta el ga ciapà l'ocasion e dopo aver strangołà Numedide davanti al só trono el se ga inpadronìo de ła corona.
I raconti de Cònan (almanco quełi originałi de Howard) i termina co na łonga ed estenuante bataja contro un teribiłe mago risusità e quasi inbatibiłe che el vansava contro Aquiłonia dal regno confinante de Nemedia par conquistarla. Batùo da ła magia Cònan, el xe stà imprixonà dal stregon e dato par morto (anca ai stesi complici del mago). Al só posto el xe diventà re Vałerio, che el faxeva parte de ła vecia dinastia e parte del conploto. Co l'juto de Zenobia, na toxa del serajo del re de Nemedia, che ło gaveva intravisto mentre el veniva portà de scondoni a palaso dopo ła sconfita, Cònan el xe scanpà e el ga dato bataja sino a batere e parar fora da ła só tera i Nemediani e a riciapar ła corona. Come riscato par ła vita del re de Nemedia el ga domandà e avùo Zenobia, che ła xe diventà regina al só fianco sul trono del pì potente regno de l'Ovest, par regnare par tanti deceni ancora.
De quel periodo, rełativamente chieto, se sa ben poco (i scriti conpleti de Howard, infati, i se ferma qua), così come poco se conose anca de ła só morte. Ła xe anca incerta la notisia dei só tanti fioi, el pì vałoroso de łori, Conn, non el xe mai sta bon a rivare ai livełi de só pare par gloria e corajo inte łe inprexe.
Come dito, el ciclo de Conan "ufisiałe" el xe da considerarse senplicemente queło scrito de só pugno da Howard (vintidó raconti). I só romanxi e raconti i xe rapresentai qua in ordine cronołogico, secondo quanto stabilìo da Lyon Sprague de Camp (no i xe mai stati tradotti in veneto):
- La Torre dell'Elefante (The Tower of the Elephant, Weird Tales, marso 1933)
- Il Palazzo dei Morti (The Hall of the Dead, postumo, nela racolta Conan! dela Lancer Books, 1968)
- Il Dio nell'urna (The God in the Bowl, postumo, Space Science Fiction, setenbre 1952)
- Gli intrusi a palazzo (Rogues in the House, Weird Tales, zenaro 1934)
- La figlia del gigante dei ghiacci (The Frost Giant's Daughter, Fantasy Fan, marso 1934)
- La Regina della Costa Nera (Queen of the Black Coast, Weird Taled, majo 1934)
- La valle delle donne perdute (The Vale of Lost Women, postumo, Magazine of Horror, primavèra 1967)
- Colosso nero (Black Colossus, Weird Tales, zugno 1933)
- Ombre al chiaro di luna (Shadows in the Moonlight, Weird Tales, apriłe 1934)
- Nascerà una strega (A Witch Shall Be Born, Weird Tales, disenbre 1934)
- Ombre a Zamboula (Shadows in Zamboula, Weird Tales, novenbre 1935)
- Il diavolo di ferro (The Devil in Iron, Weird Tales, agosto 1934)
- Gli Accoliti del Cerchio Nero (The People of the Black Circle, Weird Tales, otobre-novenbre 1934)
- L'ombra che scivola (The Slithering Shadow, Weird Tales, setenbre 1933)
- Lo stagno dei negri (The Pool of the Black One, Weird Tales, otobre 1933)
- Chiodi rossi (Red Nails, de poco postumo, Weird Tales, lujo-setenbre 1936)
- Le gemme di Gwahlur (Jewels of Gwahlur, Weird Tales, marso 1935)
- Oltre il Fiume Nero (Beyond the Black River, Weird Tales, majo-zugno 1935)
- Il tesoro di Tranicos (The Black Stranger, postumo, Fantasy Magazine, marso 1953; The Treasure of Tranicos, inte el volume Conan the Usurper dela Lancer Books, 1967)
- La fenice sulla lama (The Phoenix on the Sword, Weird Tales, disenbre 1932)
- La cittadella scarlatta (The Scarlet Citadel, Weird Tales, zenàro 1933)
- L'ora del Dragone (The Hour of the Dragon, Weird Tales, disenbre 1935-apriłe 1936. Noto anca come Conan the Conqueror)
Wikimedia Commons el detien imàjini o altri file so Cònan el bàrbaro
el detien schemi gràfeghi so
| Controło de autorità | VIAF (EN) 1209157527258327300003 · LCCN (EN) no2014099611 · GND (DE) 138058016 · WorldCat Identities (EN) no2014-099611 |
|---|