Céxa de San Cansian

Da Wikipedia, l'ençiclopedia libara.
Jump to navigation Jump to search
Sto articoło el xe scrito in venesian
Céxa de San Cansian
Ła Cèxa de San Cansian
Ła Cèxa de San Cansian
Locałità Venesia
Coordinae

45°26′24″N 12°20′19″E / 45.4400, 12.3386

Rełijon Catołega
Diocexi Patriarcà de Venesia
Inisio costrusion 1351

Coordinate: 45°26′24″N 12°20′19″E / 45.4400, 12.3386

Ła céxa de San Cansian xe un edificio sacro de Venesia logà 'ntel sestièr de Canaregio e afasà sul picoło canpo omonemo.

Storia[canbia | canbia el còdexe]

Ła legénda conta che ła céxa sia òpara dei primi profughi de Aquiłeja scanpài qui a cauxa de łe invaxion barbariche In realtà łe prime trase storeghe de sta céxa risałe al 1040.

Ła xe dedicàda ai martiri e fradełi de Aquiłeja Canzio, Canziano (o Cantiano) e Canzianilla, copài 'ntel 304.

Ła céxa xe stàda squaxi costruìa patòca 'ntel XIV secoło e consacràda da'l Vescovo de Gèxoło Marco 'ntel 1351

Naltra ristruturasión xe stàda ordenàda 'ntel XV secoło, ma ł'amànco de fondi gà fato slisegàr i łavori al XVIII secoło co' łe òpare ga riciapà grasie anca a ła donasión de 2000 ducati da parte del parochiàn Michele Tommasi, a cui xe dedicà el busto sòra ła porta de intrada.

Ła céxa se cata infra ła parochia de Santi Apostołi e queła de San Zaniipoło e xera un inportante pónto de arivo par łe gondołe che rivàva da Muran. In sèguito, a cauxa de vari łavori de riquałificasión de łe strade infra i quałi anca ła nasìta de ła Strada Nova, ła se gà ritrovà exiliàda in un'area de scarso pasagio.

Descrisión[canbia | canbia el còdexe]

Ła céxa se desferensia par 'na granda senplisità. Ła pianta de ła céxa vede do altèri su ła parede drita e do a sànca. El presbiterio ospita ł'altèr maxór, afiancà da do capełe lateràne. Ła capeła de drita, rica de marmari e stuchi cołorà de gran pregio, gera de proprietà de ła famegia Widmann e xe dedicàda a San Massimino. Ła capeła de sànca, deso dedicàda al Crocifiso, xera orixinariamente de ła famegia Rinaldi e dedicàda a San Filippo Neri.

Inportanti i do altàri de ła paréde de drita e 'l segondo de sànca co' łe so pałe òpara de Bartolomeo Letterini.

Un mucio bei i dipinti de Domenico Zanchi su łe bande del presbiterio, Piscina Probatica e Moltiplicazione dei pani e dei pesci.

Bibliografia[canbia | canbia el còdexe]

Le chiese di Venezia, Marcello Brusegan; Ed. Newton Compton 2008

Cołegamenti esterni[canbia | canbia el còdexe]

Altri progeti[canbia | canbia el còdexe]

  • Collabora a Commons Su Commons ghe xe dei file multimediałi su Céxa de San Cansian