Bronzola

Bronzoła ła xe a frasion pì cea del comun de Canpodarsego.

Ła conta 1 328 abitanti, che i ze l'11,13% de ła popołasion de tuto el comun. Ła ze traversà dal Tèrgoła, torenteło che el nase da ła Pałù de Onara (PD). Inte el so teritòrio xe prexente un vècio logo cristian: ła cezeta de Panigae (Campanigalli), vècia cofà ła cexa de San Màsimo a Borgheto de San Martin de Łùpari (PD).

Ła via pì inportante ła xe via Straełe, che ła parte da ła cexa parochiałe e ła more a Fimizeło, altra frasion de Canpodarsego. Davanti a ła cexa parochiałe i ga fato inte ła nova piaseta, se festeja l'omònema sagra, ła cuała ła ga na intaresante riłevansa teritoriałe par via de łe serae del bało e łe orchestre che se ezibise.

Ła trativa pì nomenà de Bronzoła ła xe el Parco de Tergołàndia: na rasegna de òpare d'arte inte ła natura che łe conpagna łe rive de ła Tèrgoła, partindo da ła Cezeta de Panigae finemente a ła ceza de Bronzoła.

Łinganbi foresti

• Scheda so ła storia de ła locałità

• el detien schemi gràfeghi so