Boẑ

Da Wikipedia, l'ençiclopedia libara.


Na arnia moderna, disendente dei veci boẑ

Al boẑ al ze probabilmente la forma pì primitiva de "casa" che sie stata doperada te la apicoltura. Probabilmente al ze stat protagonista de le prime forme de inmestegament de le au, anca parchè al ze facile da far e al ghe someja tanto a le struture aonde che le au le va a viver in natura.

Al ze costituì da un toco de legn boẑ del diametro interno de circa 50–80 cm, co un fondi e an quert de tole. Ghe gnen forà dintorn an buss come via de acesso par i inseti.

Le au le ghe costruiss inte al nit, fat de formele de sera verticai co tante cele esagonai aonde che gnen conservà le scorte de miel e i ovi.

Par poder er al miel toca copar le au (de solito col fun), cavar fora le formele e schiẑarle, al tut co na perdita granda.

La evoluẑion de la apicoltura la ga portà belche domili ani fa a la conparsa de qualche prototipo de vassel aonde che la arnia (o sia la "casa" de le au) la era costituida de do elementi separadi, un par al nit e un par la scorta de miel (melario).

Da i ani '30 i boẑ i ga tacà a sparir par assarche posto a i vassei, e incoi no i esiste pì.

An tipo particolar de boẑ al ze al bugno villico', costruì a intorder sache o paja.

Siben che i boẑ i ze conpletamente sparidi, te el gerco se dopera oncora sta parola come sinonimo de "arnia", tanto che un no el diss mai quante arnie o quanti vassei che al à, ma quanti boẑ.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Boẑ&oldid=1014066"