Božet

An boset al ze an nit artificial che se pica su le pjante in modo che i osei pì pisoi, tipo le perusole, i vae a farghe entro i ovi. De solito i boset i gnen fati col scopo de favorir quele specie che le viu in sinbiosi co la pjanta e che le fa an laoro utile, pae esenpio quel de magnar i biss che ghe fa dan.

An boset al mesura al incirca 40 schei in tut de altesa par circa 8 de diametro interno. Al buss de acesso al gnen forà da 26 mm. Na olta i gnea fati tondi co un legn bos, e ghe gnea inciodà sù an fondi e an quert spiovente le un legn che podesse durar difarenti ani, tipo cassia.

Adess i gnen fati anca quadri de tole de legn vario, o tondi de ciment, plastica o materjai espansi. Par difarenti ani i ze stati fati solche a scopo quasi decoratiu, par esser picadi 'te 'l giardin de casa, ma dess qualchiuni i ze drio a tornar a meterli sù par i perer e i pomer par incentivar la difesa biologica de le piante.