Bìgołi

Bigołi

I bìgołi xe na pasta longa veneta rùspia, pi grosa dei spagheti, fata con farina de grano tenaro e ovi. Par farli, se fa un paston co ste proporsion:

• 400 g de farina bianca "0"
• 4 ovi intieri
• na s-cianta de sałe

Par far el paston se distende suła toła ła farina mis-cià al sałe, faxéndoghe ciapar na forma de fontana. In mexo se spaca i ovi e i se sbate co un piron, xontàndoghe de continuo un poco de farina. Quando ke ovi e farina se ga inpastà ben, se continua a mis-ciar cołe man el paston finkè no'l diventa na bała ełàstega, soda e lisia.

Se ciapa el paston e se fa pasar tuto traverso un torcio a piastra coi buxi łarghi (el bigołaro). Vien fora i bigołi bełi ruspi par ciapar ben el sugo. Prima de cuxinarli ocore farli sugare ał'aria.

Ricete coi bìgołi

Ghe xe i bìgołi co ł'arna, i bìgołi mori in salsa, i bìgołi co ła coradeła de cavreto.

Altri progetti

• Wikimedia Commons

• Wikimedia Commons el detien imàjini o altri file so Bigołi