Biłiardo

Da Wikipedia, l'ençiclopedia libara.
Jump to navigation Jump to search
'Sto artìcoło el 'é scrito doparando ła grafìa dita DECA
To pot the red.jpg

El biłiardo el ze un zogo conpleso che'l ga orìjini tanto antighe che a'l dì de oncò A ze coreto defenir na disiplina sportiva a tuti i efeti co na organizasion de tornèi intarnasionałi e canpionadi de'l mondo par onji sìngoła spesiałità.

El zogo el se dezviłupa inte un canpo retangołare sircondà da sponde co ła superfisie cuerta da na caratarìstega stofa morbia. A se zoga doparando dełe boce sfèreghe dite bìłie o bijie. Łe bijie łe vien moveste doparando n'asta ciamada steca, o sinò łe vien tiràe co łe man (inte ła variante ciamada bocete).

Orìjine[canbia | canbia el còdexe]

El primo tàvoło da biłiardo che de cuel A se ga vesto notisia el ze cueło ordenà da Jiji XI, sovran de Fransa inte'l 1470.

I tàvołi[canbia | canbia el còdexe]

El tàvoło da biłiardo el ze un retàngoło zenaralmente in proporsion de 2x1, A sarìa che'l ga el łato łongo che'l ze el dopio de'l curto, ma A ghe ze anca dełe ecesion. Łe buze, par i tàvołi che i ghin ze provisti, łe ze inte'l nùmaro de 6: cuatro łe ze a i cantoni e do a'l sentro de łe sponde łonghe. Tutavìa A eziste serti modełi de i antighi tàvołi a buze strete che i ga sol che cuatro buze a i cantoni.