Bandierai dei Uffizi

I Bandierai dei Uffizi xe i sbandieratori ufisiałi de Firense, nassùi inte i primi ani '60 a l'interno del Corteo Storico de ła Republica fiorentina e del Calcio storico fiorentin, el xogo tradisionàl de Firense. Durante l'ano 2008 i gà festejà el 35º aniversario del fondaménto del grupo, che se ga costituìo a fini rievocativo-ricreativi co conponénti de sitadinansa fiorentina. Par tuto l'ano 2013 i gà festegià el so 40° ano de ininterota atività reałixando, inaxonta ad altre importanti inisiative, un Film-Documentario de ła duràda de 30 minuti e un libro Sełebrativo entranbi co el titoło: I Bandierai degli Uffizi, Sbandieratori Ufficiali di Firenze.

I raprexenta un precixo periodo storico e un riferimento anałitico portando, stanpàe inte i so pavioni, łe prinsipałi Xudegadi e i Ufici existenti ne ła Repubblica Fiorentina del XVI secoło. Unici a raprexentàr Firense par el preciso signifegà storico dei costumi e de łe inségne, pol anoveràr prexense a numeroxe e inportanti manifestasion sia sportive che storico-rievocative, in Itałia e a l'estero.

Inaxonta a ła tradisionałe prexensa senografega e atletica, xe fondamentałi łe motivasion de natura culturałe che anema i Bandierai dei Uffizi. I raprexenta łe orìxene del calcio insìn dai primi albori. Prexente più volte a łe sełebrasion del Columbus Day in America, el grupo gà mostrà in tuta ła so abiłità anca a Roma par la vertaùra de łe Ołinpiadi e dei Canpionati Europei de calcio, a Barcełona in Spagna par el Mundial e oncora in Giapon e Braxil, in nome non soło del Calcio Storico Fiorentin ma de ła stessa sità del xegio.

I Bandierai degli Uffizi se exibise prinsipalmente inte i dì de łe festività tradisionałi fiorentine e intrà queste se cita:

Cavalcàda dei Magi (Epifania)
Cao de l'ano Fiorentin (25 marso)
S-ciòco del Caro (Pasqua)
Trofeo Marzocco – (gara de sbandieratori - magio)
Calcio Storico Fiorentin (24 zugno, festa del patron S. Zane)
Festa de Santa Reparata (8 otobre);
Omagi nadałisi (disembre).

Par questa so prexensa xe i unici a raprexentàr istitusionalmente Firense. I manexa bandiere che, inaxonta a portàr el Xegio Guelfo de Firense al sentro, gà raprexentà lateralmente 16 Uffizi de ła Firense rinasimentàl al tenpo de ła Republica del XVI secoło. A l’orìxene, ogni bandiera riportava l'inségna de uno dei Xudegadi; dal 2002 xe passài a quèło che xe l'atuàl aspeto dei vesiłi, sudivixi in do tipołogie paròmo rafegurante 8 dei 16 Xudegadi orixinałi.

I Bandierai dei Uffizi xe i ùgnołi depoxitari de l’Arte fiorentina del pavion, co el mantegnimento de ła più tradisionałe e rigida rievocasion dei “modi e de łe maniere”, sia senografiche che atletiche, del manìxo del pavion a fini miłitari del rinasimento.

L'orìxene storica del sbandieramento xe rintrasàbiłe nełe exercitasion a cui gli arfieri dei antighi exerciti se sttoponeva co el so vesiło par mantegnirse in forma. El sbandieramento gera reałixà inte el corso de particołari festegiamenti.

Bibliografia[canbia | canbia el còdaxe]

M.Ferri, A.Marrone, Ross'e Blu - I primi 35 anni dei Bandierai degli Uffizi, 2008, Edizioni Polistampa, Firenze
Filippo Giovannelli, Giuseppe Sabella (a cura di) - I Bandierai degli Uffizi, Sbandieratori Ufficiali di Firenze, 2013, AB Edizioni, Firenze

Linganbi foresti[canbia | canbia el còdaxe]