Bancomat
El bancomat el xe un sistema eletronico par prelevar dei schei contanti dal proprio conto in banca. El funziona cosita: la banca la ghe dà a tuti i so clienti un teserin plastificà, con na banda magnetica. Ti, ogni olta che te serve schei, te ve al sportel del bancomat piesè vizin (mejo se l'è un sportel de la to banca, ma volendo te pol prelevar anca dai sportei de chelealtre banche, ma te toca pagar la commission), te meti drento el teserin, te scrivi el codice segreto su la tastiera (stando tento che no sia calchidun che spiocia) e se el codice el corisponde te pol dirghe al bancomat quanti schei te vol e lu el je buta fora da una fessura fata aposta, naturalmente scalando dal to conto corente. I bancomat i xe utili anca parché se pol far anca altre robe, tipo ricaricarse el credito del telefonin, e col teserin del bancomat te pol anca pagar nei negozi, fasendolo passar dentro na machineta che se ciama POS.
Wikimedia Commons el detien imàjini o altri file so Bancomat
| Controło de autorità | LCCN (EN) sh85020583 · GND (DE) 4019894-7 |
|---|