Back to the Future Part II
Back to the Future Part II el ze un film de'l 1989 direto da Robert Zemeckis, segondo epizodio de ła triłozìa omònema.
A sèvito de'l straordenario suceso de'l primo film de ła serie, Ritorno al futuro - Parte II el ze stà reałizà soło cuatro ani drioman e el ze stà zirà contenporaneamente a'l terso epizodio de ła saga che ła ze venjùa fora un ano daspò.
A l'inisio łe trame de Ritorno al futuro - Parte II e de'l sucesivo Ritorno al futuro - Parte III łe gaveva da èsar contenjùe inte un ùnjoło film, che'l gavarìa dovesto intitołarse Paradox.[1]
El 23 otobre 2013
e el 21 otobre 2015, zorno in cui Doc e Marty i riva inte'l futuro inte ła Parte II, el film el ze stà reproponesto inte i sinema in alguni paezi, Itałia incluza.[2]
Trama[canbia | canbia el còdaxe]
Hill Valley, California. Marty McFly el ze fotunozamente tornà da'l 1955 inte ła note de'l 26 otobre 1985. Ła matina drioman, mentre el sałuda ła só moroza Jennifer Parker, el vede tornar el só amigo Doc da'l futuro. Eło, partìo ła note presedente par el futuro co ła màchina de'l tenpo, el ga scoverto asàe so'l destin de Marty, in partegołar el só futuro fio el se metarà inte i guai, e el ło invita a ndar co łu inte'l futuro, par corézar ła piega ch'A ciaparà i eventi.
Doc, Marty e Jennifer i riva cusì inte'l futuro co ła DeLorean, che inte'l fratenpo ła ze stà aereo-trasformada e modifegada co un zenarador de fuzion, parmétendoghe de zvołar e de ałimentarse co łe scoase ansiché co'l plutonio, inte'l pomerigio de mèrcore 21 otobre 2015, dove che i łasa tenporaneamente Jennifer inte na całezeła, dopo che Doc el ła ga indormensada co un zenerador alfa indutor de sono parché ła faseva masa dimande. Doc el ghe spiega a Marty che'l ga noma che da sostituir el só futuro fio, Marty McFly jr, che'l ghe someja in modo inpresionante (séndo intarpretà entrnabi da Michael J. Fox) e el ga da dirghe a Griff Tannen, só nevodo de Biff, che no'l vol partesipar a ła rapina, evitando cusì dei avenjimenti futuri che i ghe gavarìa destruzesto ła só intiera famegia. Daspò aver sostituìo só fioło e aver incontrà Griff a'l Cafè 80 (Cafè 80's in orizenal), Marty ła refuda de partesipar fazendo infuriar Griff e dovendo scanpar da łu a bordo de un vołopatino Hoverboard ciapà in préstio da na puteła. Marty el salva só fio da ła prezon, fazendo arestar a'l só posto Griff e i só conpanji de gang. Spetador de l'inseguimento A ze el romai vecioto Biff, só nono de Griff ed eterno rivałe de'l pare de Marty.
Drioman, mentre Doc e Marty i ze intenti a recuparar Jennifer inte ła só futura caza de Hilldale (ndove che ła jera stà portada da ła połìsia, che ła gaveva vista indormensada inte ła całezeła e scanbiada par ła Jennifer de'l 2015), el vecio Biff el se inpatronise par poco tenpo de ła DeLorean e de na copia de'l grande almanacco sportivo contenjente tuti i rezultadi sportivi tra el 1950 e el 2000, che ła zera stà cronpà cheła matina da Marty co l'intento de piasar calche scomesa conosendo in antisipo i rezultadi, na volta tornà inte'l 1985, ma che, so rechiesta di Doc che no'l vołeva crear desesto inte'l continuum spasiotenpo, el gaveva butà inte łe scoase. El vecio Biff, sconto dadrìo de na porta, el gaveva asistìo a l'acadudo e, robando l'idèa de Marty, el ghe consenja l'almanacco (el łunaro) a'l sé mèdemo pì zòvane, modifegando cusì el pasà e creando un "1985 alternativo". El Biff de'l futuro el mete in vardia el Biff de'l 1955 dizendo che un siensià invazà o un tozo i gavarìa podesto darghe problemi inte'l futuro.
_(2).jpg)
Grasie a łe scomese vinsete in vertù de ła conosensa pregrssa dei rezultadi sportivi de mezo sècoło de conpetision, Tannen el ze deventà uno dei òmeni pì richi d'America, investindo ła cołosałe fortuna acumułada par ła major parte inte'l trasformar Hill Valley inte na vera e propia "capitałe de'l visio". Rezo łegałe el zogo d'azardo inte ła contea, Biff el ga fato butar zó el tribunałe de Hill Valley e a'l só posto el ga costruìo un enorme e pachiano hotel-casinò, inte'l cuało da l'atico Biff el aministra de fato ła sitadina cofà na só propietà parsonałe; non soło, ła dełincuensa e ła criminałità łe ga conpletamente ciapà pìe a Hill Valley, co ła sità devastada da bande de tepisti e dai só eferài ati vandałici. Marty el scoverze in pì che Biff el ga copà co un colpo de pistoła George McFly, só pare de Marty, inte'l 1973, riusindo po' a spozar Lorraine, devenjùa sucube de'l segondo marìo, rifata e alcołizada; inte 'st'altro futuro alternativo in azonta ła scoła ła ze ndada a fogo e el Marty de 'sta łinea tenporałe, séndo stà adotà da Biff insieme ai altri fiołi de Lorraine, el studia inte na scoła privada in Zvisara, e Doc, fursi par órdene de Biff, el ze stà recoverà inte na clinica psichiatrega.
Par Doc e Marty, che i se ga rendesto conto de ła situasion na volta tornài inte'l "1985 alternativo", l'ùnega speransa de remétar łe cose a posto A ze tornar da novo inte'l 1955 (parché se i tornase inte'l futuro i rivaria inte'l futuro de ła nova łinea tenporałe), robar e destrùzer l'almanaco e inpedir che Biff el meta in ato el só piano, fazendo anca atension a non inbaterse inte i só "dopioni" (za visti inte'l primo film de ła serie), intenti a far tornar el Marty de'l 1985 a'l futuro. I do i riva cusì da novo inte'l 1955 e Marty el tenta in tuti i modi posibiłi de inpatronirse de l'alamanaco da łe zgrinfe de Biff, prima scondendose inte ła só màchina, ma restando blocà inte'l garage de ła caza dei Tannen, e drioman ndándoghe a ła festa da bało Incanto sotto il mare, dove el dopion de Marty el ze drio ezibirse so'l palcosenico in Johnny B. Goode. Daspò na evazion a bordo de l'hoverboard inseguìo da Biff so ła só automobiłe, Marty el riese a cavarghe l'almanaco a Biff, a bruzarlo e a restabiłir el vero 1985, o almanco cueło presedente a ła "deviasion" (dezviada) costruìa da'l Biff de'l 2015.
Notasion[canbia | canbia el còdaxe]
- ↑ (EN) Interview with John Murdy - Creative Director at Universal Studios Hollywood, thestudiotour.com, 15 aprile 2006. entrada il 13 luglio 2010.
- ↑ 21 ottobre 2015, raduno mondiale al cinema con il 'Ritorno al futuro day'Adnkronos, 12 ottobre 2015.
Altri projeti[canbia | canbia el còdaxe]
Wikimedia Commons el detien imàjini o altri file so Back to the Future Part II
Linganbi foresti[canbia | canbia el còdaxe]
- (inglezo, spanjoło, IT) Sito ufisałebacktothefuture.com. Sconosesta: inglezo e spanjoło (juto)
- (EN) Back to the Future Part IIThe Encyclopedia of Science Fiction.
- Back to the Future Part IICineDataBase, Rivista del cinematografo.
- Back to the Future Part IIMYmovies.it, Mo-Net Srl.
- Back to the Future Part IIMovieplayer.it.
- Back to the Future Part IIFilmTv.it, Arnoldo Mondadori Editore.
- Back to the Future Part IIIl mondo dei doppiatori, AntonioGenna.net.
- (EN) Back to the Future Part IIInternet Movie Database, IMDb.com.
- (EN) Back to the Future Part IIAllMovie, All Media Network.
- (EN) Back to the Future Part IIRotten Tomatoes, Flixster Inc.
- (EN, ES) Back to the Future Part IIFilmAffinity.
- (EN) Back to the Future Part IIMetacritic, CBS Interactive Inc.
- (EN) Back to the Future Part IIBox Office Mojo.
- (EN) Back to the Future Part IITV.com, CBS Interactive Inc.
- (EN) Back to the Future Part IIAFI Catalog of Feature Films, American Film Institute.
- (EN) Back to the Future Part IIBFI Film & TV Database, British Film Institute.
